هجوم شديد تعرضت له الصفحة الرسمية لإدارة كلية العلوم - جامعة الإسكندرية على موقع التواصل الاجتماعي "فيسبوك"، بعدما نشرت بوست تهنئة للدكتور محمود مرسي احمد محمد، مدرس الكيمياء، لقرار ترقيته التي أعلنته الكلية، حيث سجل المنشور رقمًا قياسيًا من مشاعر الغضب والكراهية.
بدايه أزمة دكتور جامعة الاسكندرية
في واقعة مثيرة للجدل أعرب خلالها الآلآف من الطلاب والطالبات، عن مدى غضبهم وكرهم من ترقية دكتور محمود مرسي أحمد محمد، حيث تجاوزت عدد مشاعر الغضب للتعبير عن رفض الطلاب له 95 ألف، يبدو أن العلاقة بينه وبين الطلاب لم تكن على مايُرام.
غضب الطلاب على دكتور جامعة الاسكندرية
وعلقت إيمان حلمي على بوست دكتور محمود مرسي:"ليه كدا تشوه صورة الاستاذ الجامعي.. دحنا بنحاول علي اد مانقدر نتضامن مع الطلاب واهاليهم جبرا للخواطر.. معقوول شخص كللل الناس دي تجتمع علي كرهه.. بص انا معرفكش بس امانه لو قريت تعليقي تراجع نفسك.. وافتكر حديث أبي هريرة ،عن النبي ﷺ قال: إن الله تعالى إذا أحب عبدا دعا جبريل، فقال: إني أحب فلانا فأحببه، فيحبه جبريل، ثم ينادي في السماء، فيقول: إن الله يحب فلانا فأحبوه، فيحبه أهل السماء، ثم يوضع له القبول في الأرض، وإذا أبغض عبدا دعا جبريل، فيقول: إني أبغض فلانا فأبغضه. فيبغضه جبريل، ثم ينادي في أهل السماء: إن الله يبغض فلانا فأبغضوه، ثم توضع له البغضاء في الأرض)"
وعلق محمود على بوست محمود مرسي كاتبًا :"الف الف مبروك وعقبال ماتترفد بحق الطلبة اللى اذيتهم نفسيا يانااقص "
كما كتبت يسرا على تهنئة محمود مرسي احمد محمد :"انا عمري م اخدت معاه اي سيكشن طول ال ٤ سنين في الكلية .. لكن سيرته مكنتش حلوة ابداا .. مفيش طالب يجيب سيرته الا و لازم يقول موقف او سوء معاملة صدرت منه .. احنا ك طلبة بنحب الدكاترة اللي بتعاملنا حلو وفي دكاترة كتير بنحبها .. ف اكيد مفيش طالب هيكره معيد او دكتور الا اذا عامله فعلا وحش .. و اخيرا انا فاكرة اني دخلت معمل بسال عن دكتور او عن حاجة ف مادة عااادي دا سؤال يعني و رد عليا شخص بطريقة سيئة جداااااااااااا لدرجة اني طلعت بقول هو في ايه ماله بيكلمني كدا ليه دا انا بسأل سؤال لله يعني ؟؟؟؟ لقيت طالبة واقفة بتقولي لاا عادي دا محمود مرسي ف قولتها هو داا دكتور محمود مرسي .. ف انا بحمد ربنا اني اتخرجت وربنا نجدني ولا اخدت معاه سيكشن و الله يكون ف عون الطلبة اما سؤال و كلمني كدا اومال بيعمل ايه ف اللي بيدرسلهم 😅💔💔 انا معرفش ممكن يشوف الكومنت بتاعي او لا .. بس اتمنى يكسب حُب الطلبة و حب الناس عشان بيفرق مع اي دكتور و اكيد مش هيكون مبسوط بان كل الطلبة دي بتدعي عليه وربنا معاه.. الانسان سيرة".
وكتب عبدالرحمن على بوست محمود مرسي :"الصفحة الرسمية لإدارة كلية العلوم - جامعة الإسكندرية.. لازم تعملوا استبيانات تملاها الطلبه من غير كتابة اسمهم لجودة التعليم والمحتوي والمعامله والأسلوب لكل دكتور ومعيد في نهاية كل فصل دراسي ويتحط في صندوق مغلق زي بتاع جمع التبرعات كده ما يتفتحش غير من قبل الإدارة ويكون في ثواب وعقاب للمعيدين والدكاتره الكويس يشكر والسئ تعلموه وتديلوه فرصه وتشوفوا الاستبيان بتاع الطلبه الترم اللي بعده عنه لو فضل علي نفس حاله يا يترفد يا تحولوه اعمال إدارية انما لو فضلتوا على الوضع ده فأنتوا للأسف بتضيعوا اجيال مستقبلهم في ايديكم وربنا هيسألكم عنهم.. وزارة التعليم العالي والبحث العلمي المصرية".
وعلق المرسي على "بوست" محمود مرسي كاتبًا:"عمري منسي يوم ما حرجتني قدام السكشن كله وطردتني مع ان اسمي علي اسم ابوك ي اخي حسبي الله ونعم الوكيل فيك".
وعلقت داليا على منشور دكتور محمود مرسي احمد محمد :"حقيقي فعلا منه لله محضرتش غير مرتين معاك سكشن و خلتني احط حاجه غلط ف التجربه علشان مكنتش موجوده الاداه اللي المفروض تتحط و لما جت الدكتوره الكبيره زعقت قولتلي انت ازاي تعملي كدا و زعقتلي 🙂 و انا مرضتش افضحك قدامها 🙂 ده غير اسلوبك اللي يحرق الدم و عرفت بعد كدا ان دي طريقتك عموما، الحمد لله ان جت الكرونا قعدتنا، حسبي الله و نعم الوكيل، الله يكون ف عون الطلبه اللي حتدرسلها"
كما كتبت منة على منشور محمود مرسي: "راجع نفسك قبل ما تقابل وجه رب كريم ، مفيش حاجة في الدنيا تستاهل والله انك تكون مؤذي بالشكل دا للي حواليك".
تابعوا أخبار بلدنا اليوم على Google News
