كشف لؤي الخطيب مقدم برنامج لمبة والذي يتم بثه عبر مواقع التواصل الاجتماعي، وبطريقة ساخرة من طريقة الهارب محمد علي في أسلوبه المتبع لبث فيديوهات يهاجم فيها الدولة المصرية من الخارج، واقعة فاسدة جديدة تخصه، والتناقض الواضح في فيديوهاته.
وقال ساخراً:" دلوقتي انت لو روحت محور المشير، هتلاقي ناحية مقابر الوفاء والأمل في كوبري، هقولك ده اتعمل علشاني، هتسالني ازاي اتعمل علشاني، هقولك، بعد اتباع نفس اسلوب الهارب في اشعال سجارة تلو الأخرى، متبوعة بكلمة منرفذني منرفذني، متابعاً:" الكوبري ده اتعمل عشان انا عملت حلقة كويسة في برنامج لمبة، فاتصلت بمسؤول مهم جداً في الدولة، وقولت له أنا محتاج كوبري في المكان ده عشان اعرف اروح شغلي، الكوبري دهب ينزلك على نادي السكة وكوبري اكتوبر، فانا قولت له عايز اعمل كوبري، قالي عُلم، طيب ايه الدليل على كده لأن الورق ورقهم، فانا هجيب احسن من الورق، حاجة تشوفوها بعينيكم، لو روحت في مقابر الأمل عند محور المشير هتلاقي الكوبري بسيطة يعني صدقت".
وكشف الخطيب، التناقض الواضح في سلسة فيديوهات الهارب محمد علي قائلاً:" إنه تحدث في الفيديو الأول تحدث حول الفلوس اللي أكلها عليه الجيش، وبعدين في الفيديو اللي اتنشر يوم11 سبتمبر، قال إنه ممكن يعيش برنس وإن الجيش مأكلش عليه أي فلوس وإن هو اللي عمل معاهم المشكلة دي، ليثبت بالدليل حالة التناقض التي تفضح الهارب محمد علي، متسائلا:" نصدق محمد علي، ولا محمد علي؟".
وتابع:" محمد علي بيتكلم في أول فيديو ليه عن إمبراطورية الفساد في الجيش وازاي إن الجيش فوق الدولة، بس برده في الفيديو اللي اتنشر يوم 11 سبتمبر قال إن الضباط الفاسدين حسب كلامه بيخافوا من الرقابة الإدارية رغم إن مالهاش سلطة عليهم، بس يمكن تعاملات المدنيين تكشفها الرقابة الإدارية، الله يعني الجيش ماطلعش فوق الدولة أهو، أومال في ايه بقى".
تابعوا أخبار بلدنا اليوم على Google News
