حقيقة خلاف أحمد سلامة مع ابنته بسبب لبس "شورت"

كشف الفنان "أحمد سلامه" خلال لقائه في برنامج "نص الكلام" من تقديم راغدة شلهوب عبر قناة "النهار حقيقة  بعد العديد من الأشاعات  حول وقوع خلاف بينه وبين ابنته سارة سلامة بسبب إطلالتها الجريئة في جلسات التصوير قال: " قولتلها متعملش كده تاني لكن مش لدرجة خلاف، قولت أن الأفكار اللي هي شايفاها وكل الجيل شايفها صح تنفع في الخارج لكن أحنا في مجتمع شرقي مينفعش نتخطاه، هي وجهة نظرها أنها مش بتعمل حاجة غلط". 

وأكمل قائلا:" مسألة السيطرة على الجيل الحالي جيل السوشيال ميديا والعالم المفتوح صعبة وقاتلة، السوشيال ميديا بتربي معانا مش إحنا اللي بنربي بنفسنا، هذا الجهاز النقمة على العالم خلى أفكار الشباب منفتحة وشايفين أن كل حاجة عادي، لكن أنا بحاول أسيطر وعمري ما مديت أيدي على بنتي وبديها الحرية.

و تابع كلامه قائلا: "ساره وعدتني أنها مش هتعمل كده، في مسلسل "ابن حلال" لما طلعت لابسه شورت وأنا اتهاجمت بسببها،لكن في ستايلست طلبت منها تلبس دا وهي بتسمع الكلام مكنتش فاهمة كان عندها 18 سنة ومعندهاش خبرة لسه كانت صغيره جدا".

الجدير بالذكر أنه آخر أعمال سارة سلامة كان مسلسل "إسعاف يونس" الذي تم عرضه عبر منصة WatchIt، وهو من بطولة كلِا من محمد أنور، منة عرفة، محمد علي رزق، إيمان السيد، أحمد محارب تأليف فاروق هاشم، مصطفى عمر، كتابة أحمد محارب، خليفة سمير، أحمد فوزي، إخراج معتز التوني، وإنتاج شركة سينرجي.