أشاد الإعلامي محمد موسى، بما تم إنجازه من مشروعات قومية خلال الـ 8 سنوات الماضية تحت قيادة الرئيس عبد الفتاح السيسي، قائلا : 2920 يوما بالتمام والكمال مرت على لحظة قد تكون الأهم في تاريخ مصر الحديث.. هي لحظة تولي الرئيس السيسي الحكم.. كانت نقطة فاصلة بين بقاء الدولة أو اللا دولة".
وأضاف محمد موسى خلال تقديم برنامج "خط أحمر" على قناة الحدث اليوم، 8 سنوات من العمل ، 8 سنوات من ترسيخ قوة الدولة ومؤسساتها 8 سنوات من العمل في كل شيء.. لا مش هقول العمل .. خلينا نقول اقتحام كل شيء.. الرئيس السيسي ورث تركة ثقيلة جدا.. لكن الإصرار والأهم من كده التحدي اللي عند الرئيس خلاه يقتحم كل الملفات".
وتابع، "قبل 8 سنين.. كنا عايشين في كابوس .. أزمات في كل شيء.. السنة اللي حكمنا فيها مرسي وإخوانه.. الجماعة الإرهابية اللي كانت عاوزة إما الحكم أو تحرق البلد.. لكن الشعب انتفض وقال كملته واسترد دولته لو حاولنا نعدد الإنجازات اللي في البلد أفتكر محتاجين حلقات وحلقات.. المشروعات اللي بتتعمل في كل مكان.. أمن وطرق وزراعة ومصانع وتطوير بنية تحتية وضخ استثمارات ودعم لكل الفئات المحتاجة في أصعب الظروف ، والقضاء على العشوائيات، وتوفير الكهرباء.. الكهرباء دي قصة لوحدها .. عاوزين نخلينا فاكرين كويس إن قبل 8 سنين كانت الكهرباء بتقطع أكتر ما تشتغل .. النهاردة إنت بنصدر كهرباء مش بس لدول الجوار لا كمان إنت رايح تصدر لأوروبا .. الطاقة دي جت نتيجة شغل وتعب وقبل كده تخطيط محكم .. شغل في كافة المجالات تم إنجازه".
تابعوا أخبار بلدنا اليوم على Google News
