منه فضالي تتبنى طفل تركته أمه بعد الولادة خوفاً من الطلاق

نشرت الفنانة منة فضالي على صفحتها الشخصية، صورة طفل ولدته امه وتركته في المستشفى، وسردت منة فضالىي الحكاية في السطور الأتية.

قالت الولد ده اتولد من ٥ ايام امه ولدته في مستشفي في الفيوم وقالتلهم انا مش عاوزاه ارموه في الشارع، الممرضه صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني.

واكدت منة فضالى ان واحده تانيه بتشتغل معايا في البيت اختها اخدتو تربيه سافرت الفيوم واخذت الولد و ودتو لدكتور طلع عنده الصفره بتقولي النهارده.

قولتلها هاتيه انا حتبناه لاني نفسي يبقي عندي طفل من شويه بتكلم اختها قالتلها الولد مات بعد ما ابتديت اخد إجراءات التبني مش قادره اوصفلكم حالتي حقيقي ولا اوصف كرهي للست اللي خلفت حته لحمه ورمتها وراحت تشوف نفسها جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي.

بس يعلم ربنا اني كنت هاخليه احسن حد في الدنيا مش الام اللي بتخلف الام اللي بتربي

انا بكتب البوست ده لاني فعلا موجوعه من قلبي وكنت فرحانه اني هاخد الولد بس ربنا مش رايد.

ربنا يرحمك برحمتو وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها.