على طريقتها الخاصة.. ليلي علوي تحتفل باليوم العالمي للسناجل

احتفلت الفنانة ليلى علوي باليوم العالمي للسناجل، مستعينة بمشهد طريف جمعها بالفنان سمير غانم من فيلم "تجيبها كده تجيلها كده هي كده".

نشرت ليلى الفيديو عبر حسابها على Instagram، وعلقت كاتبة: "لما الاهتمام ميجيش خالص".

كانت الفنانة ليلى علوي قد حلت ضيفة على برنامج "لايف من الدوبلكس" مؤخرا، وقدمت مهرجان باسم "فكك فكك" بمشاركة أبلة فاهيتا، وقدمت خلاله العديد من الرقصات داخل الاستوديو.

لما الاهتمام ما يجيش خالص. 🤦‍♀️ #اليوم_العالمي_للسناجل #ماجدة #تجيبها_كده_تجيلها_كده_هي_كده A post shared by LailaElouiOfficial (@lailaelouiofficial) on Nov 11, 2020 at 8:55am PST

وفي سياق آخر، علقت الفنانة ليلى علوي، على واقعة تحرش أحمد بسام زكى، بأكثر من فتاة وطالبت بضرورة أن يقوم الآباء والأمهات بدورهم فى حماية أبنائهم والاهتمام بهم حتى لا يقعوا ضحايا للذئاب البشرية.

علّقت الفنانة ليلى علوي على أزمة التحرش الجنسي بالمرأة، المثارة مؤخرا على مواقع التواصل الاجتماعي، في ظل مطالب مستمرة للفتيات بضرورة الإبلاغ عما يتعرضن له من اعتداءات جنسية.

نشرت ليلى صورة لها من فيلم "المغتصبون"، عبر حسابها الشخصي على موقع الصور والفيديوهات "انستجرام"، وعلّقت كاتبة: "(مفيش بنت ماتعرضتش للتحرش) جملة بتتردد كتير اليومين دول وسط الحوادث المؤسفة اللي بنعيشها وبنسمع عنها، جملة صادمة ومرعبة ومن المخيف إن الشواهد بتقول إنها حقيقة".

وتابعت ليلى علوي: "عشان كده لازم نقف عندها، وكل بنت وست تفكر وتقرر إنه مش من حق أي حد أيا كان إنه يخترق خصوصيتها ويقتحم مساحة هي ماسمحتش بيها، لا لفظًا ولا فعلًا ولا بأي شكل من الأشكال، لأن السماح بأي تجاوز غلط، وممكن يتطور لما هو أسوأ، لما عملت فيلم المغتصبون سنة ١٩٨٩ المستوحى مع الأسف عن قصة حقيقية هزت المجتمع كله وقتها (قصة فتاة المعادي)، عشت التجربة القاسية دي من خلال الشخصية".

وأضافت ليلى علوي: "وحسيت بإحساس كل بنت اتعرضت لانتهاك بشع وكنت ومازلت مساندة لبطلة الفيلم "صفاء كامل" اللي قررت تاخد حقها وتعلن عن اللي اتعرضتله مهما كانت الظروف، ووقتها وصلت عقوبة المغتصبين للإعدام، ومن يومها ولحد النهارده ودلوقتي بالذات وأنا بدعو كل بنت اتعرضت لتحرش من أي نوع إنها تتكلم وترفض وتاخد حقها الكامل بالقانون.. علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله. وأدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة على رقم 15115 وهتلاقي كل الدعم سواء نفسي أو قانوني أو استشارة تحتاجها من أي نوع".

"مفيش بنت ماتعرضتش للتحرش" جملة بتتردد كتير اليومين دول وسط الحوادث المؤسفة اللي بنعيشها وبنسمع عنها، جملة صادمة ومرعبة ومن المخيف إن الشواهد بتقول إنها حقيقة.. عشان كده لازم نقف عندها، وكل بنت وست تفكر وتقرر إنه مش من حق أي حد أيا كان إنه يخترق خصوصيتها ويقتحم مساحة هي ماسمحتش بيها، لا لفظًا ولا فعلًا ولا بأي شكل من الأشكال، لأن السماح بأي تجاوز غلط، وممكن يتطور لما هو أسوأ.. لما عملت فيلم المغتصبون سنة ١٩٨٩ المستوحى مع الأسف عن قصة حقيقية هزت المجتمع كله وقتها (قصة فتاة المعادي)، عشت التجربة القاسية دي من خلال الشخصية وحسيت بإحساس كل بنت اتعرضت لانتهاك بشع وكنت ومازلت مساندة لبطلة الفيلم "صفاء كامل" اللي قررت تاخد حقها وتعلن عن اللي اتعرضتله مهما كانت الظروف، ووقتها وصلت عقوبة المغتصبين للإعدام. ومن يومها ولحد النهارده ودلوقتي بالذات وأنا بدعو كل بنت اتعرضت لتحرش من أي نوع إنها تتكلم وترفض وتاخد حقها الكامل بالقانون.. علشان تقدر تكمل حياتها وعلشان تمنع الأذى عن بنات تانية ممكن يتعرضوا للي هي اتعرضتله. وأدعو كل بنت خايفة أو قلقانة أو مش عارفة الطريق الصحيح إنها تتواصل مع المجلس القومي للمرأة على رقم ١٥١١٥ وهتلاقي كل الدعم سواء نفسي أو قانوني أو استشارة تحتاجها من أي نوع. دمتن جميعًا بخير وفي أمان. @ncwegypt #ليلى_علوي #فيلم_المغتصبون #صفاء_كامل #لا_للتحرش A post shared by LailaElouiOfficial (@lailaelouiofficial) on Jul 6, 2020 at 6:36am PDT

في سياق منفصل، ودعت الفنانة ليلى علوي، الفنانة القديرة رجاء الجداوي، التي توفيت اليوم عن عمر يناهز 86 عامًا، بعد صراع طويل مع فيروس كورونا، بكلمات مؤثرة ومشاعر حزينة.

ونشرت ليلى علوي عبر حسابها الشخصي على "انستجرام" صورة لها برفقة رجاء الجدواي وعلقت عليها كاتبة: "خبر صادم ووجع قلب كبير .. رحلت الفنانة العظيمة والإنسانة الأعظم رجاء الجداوي .. أم وصديقة وناصحة مخلصة".

وتابعت: "رحلت اليوم ورحلت معاها حتة من روحنا وذكرياتنا ومحبتنا للفن والأناقة اللي طول عمرها صورة ومثل حي ليها، رجاء الجداوي اللي كانت أم للجميع قبل ما تكون صديقة عزيزة وفنانة نفخر بيها جميعًا .. هاتفضل في قلوبنا محبة كبيرة لرجاء الجداوي . مع السلامة يا جوجو عزائي لأميرة حسن مختار ابنة رجاء الجداوي الوحيدة وحفيدتها في مصابهم ومصابنا الأليم .ولكل حبايبك وجمهورك الكبير الصبر والسلوان".

خبر صادم ووجع قلب كبير .. رحلت الفنانة العظيمة والإنسانة الأعظم رجاء الجداوي .. أم وصديقة وناصحة مخلصة .. رحلت اليوم ورحلت معاها حتة من روحنا وذكرياتنا ومحبتنا للفن والأناقة اللي طول عمرها صورة ومثل حي ليها ، رجاء الجداوي اللي كانت أم للجميع قبل ما تكون صديقة عزيزة وفنانة نفخر بيها جميعًا .. هاتفضل في قلوبنا محبة كبيرة لرجاء الجداوي . مع السلامة يا جوجو عزائي لأميرة حسن مختار ابنة رجاء الجداوي الوحيدة وحفيدتها في مصابهم ومصابنا الأليم .ولكل حبايبك وجمهورك الكبير الصبر والسلوان.

"عشت التجربة القاسية".. ليلى علوي تؤكد: "مفيش بنت ماتعرضتش للتحرش"