كشف حسن سامي زوج الفنانة داليا البحيري عن تطورات حالته الصحية بعد إصابته بفيروس كورونا المستجد "كوفيد -19" من خلال حسابه الشخصي بموقع التواصل الإجتماعي الشهير "فيسبوك".
وقال حسن سامى : "الحق اقول الكلمتين اللي عندي قبل ما تنتشروا في شوارع المحروسة اولًا اطمن كل احبابي واصحابي اني في نعمة و فضل من ربنا، و منتظر فرجه قريبًا بكرة اكمل ١٤ يوم و اعمل المسحة بعد بكرة إن شاء الله".
واضاف سامى قائلا : "ثانيًا ودة الاهم، اللي كان محافظ علي نفسه كان بيعمل كدة لأنه خايف من الكورونا مش علشان في حظر، يعني عودة الحياة التجارية الي طبيعتها مالوش علاقة إنك تستمر تخاف علي نفسك، و كمان اكتر من الأول".
واوضح سامى قائلا : "انا مريت بالتجربة واحب اقولكم إن الفيروس دة وحش قوي و اوحش من أمراض كتير مرضت فيها، لأنه ببساطة بيجبر الواحد ينعزل عن العالم الخارجي ويعني تقعد علي الاقل اسبوعين لوحدك تمامًا، يعني مش من حق اى حد مهما كان قريب منك انه حتى يديلك الحضن والحنية والإهتمام اللي اي مريض بياخدهم، كله بالتليفون".
وأشار سامى قائلا : "مش دلع والله بس بجد فيروس بيتعب الأعصاب جدًا، و محتاج روح معنوية قوية علشان تتغلب عليه ونصيحة بقي من مجرب، لو سمحتم بما إن الكل هينتشر، يبقي اللي يحس بأي عرض ولو ارتفاع بسيط في الحرارة أو وجع خفيف في الحلق، ولا حتي كحة خفيفة لا تذكر ياريت يلتزم العزل فورا، ويبدأ اجراءات التأكد، تحاليل واشاعة علي الصدر، لأن السيطرة بدري بتخلي المواضيع سهلة بإذن الله وبتحمي الناس اللي مخالطة لك.
وأخير قال سامى : "ربنا يحمي الجميع و يسترها علي كل حبايبكم اللي عاوز يعرف اي تفاصيل يبعت يسألني وانا تحت أمره".
اقرأ ايضًا| الأمل يدب في قلب ابنة رجاء الجداوي بشفاء والدتها مع أول صلاة فجر في المساجد
اقرأ ايضًا| يوسف الشريف: أضع بنودًا في عقودي لرفض ملامسة السيدات
على طريقتها.. دنيا سمير غانم تحتفل بعيد ميلاد زوجة أحمد السقا
هنأت النجمة دنيا سمير غانم، الإعلامية مها الصغير زوجة الفنان أحمد السقا بمناسبة عيد ميلادها.
نشرت دنيا عبر خاصية القصص المصورة عبر حسابها الشخصي على موقع الصور والفيديوهات الشهير "انستجرام"، صورة جمعتها بالسقا وزوجته وابنهما ياسين، وعلقت كاتبة: "عيد ميلاد سعيد لأجمل أم، وزوجة رائعة، والسيدة الجميلة الفريدة من نوعها مها الصغير".
تابعوا أخبار بلدنا اليوم على Google News
