زوج داليا البحيري يكشف أخر تطورات حالته الصحية.. صورة

يحرص رجل الأعمال حسن سامي، زوج الفنانة داليا البحيري منذ الإعلان عن إصابته بفيروس كورونا، على طمأنة جمهوره ومتابعيه عليه من خلال حسابه الشخصي بموقع التواصل الإجتماعي فيس بوك.

وقال حسن سامي، عبر "فيس بوك": "النهاردة اليوم الثامن من بداية العلاج، عارف انه لسة بدري إني أقول كويس أو تعبان، لأن الفيروس بصراحة غدار وبيقلب في ثانية.. بس مش بدري خالص إني أقول الحمد لله إني غرقان في كرم ربنا و فضله".

وأضاف حسن قائلا : "لو أعرف أن كل الناس دي هتسأل عليا كل كام يوم و بعضهم و الله كل يوم، كنت رحت الصين من زمان أخدت الكورونا بنفسي و رجعت .. تليفوني أنا و داليا و الولاد و أختي طول الوقت بيرن، إيه كل الحب دة.

وأوضح حسن قائلا : "إيه الحلاوة و الجدعنة اللي أنتوا فيها دي، ربنا ما يحرمني منكم بجد.. لسة فيها حاجة حلوة".

وأعلن زوج داليا البحيرى عن إصابته منذ أيام بفيروس كورونا المستجد وهو ما دفع عائلة الفنانة الخضوع إلى التحاليل والإجراءات اللازمة من أجل التاكد بعدم الإصابة وهو ما تحقق فعليا حيث ظهرت النتيجة سلبية لباقى العائلة".

نتيجة مسحة الفنانة داليا البحيري وأولادها بعد إصابة زوجها بكورونا

كشفت الفنانة داليا البحيري،عن نتيجة آخر مسحة أجرتها لفيروس كورونا لها ولأولادها.

وكتبت داليا البحيري عبر حسابها الشخصي على موقع التواصل الاجتماعي "فيسبوك": "أحب اطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت شكرا يارب علي كرمك ...احب اطمنكوا كمان ان حسن الحمد لله كويس".

وتابعت داليا البحيري:" وبيشكركم كلكم علي الرسايل والتليفونات بجد حبكم لينا ومساندتكم لينا عندنا بالدنيا وأحلي نعمة من ربنا، آسفة اني ساعات مش بلحق ارد علي كل مكالماتكم او بضطر اقفل في نص المكالمة عشان دكتور بيتصل علي الناحية التانية او معمل او صيدلية...بجد بشكركم علي جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا...انتم جميعا فوق الراس وجوه القلب...ربنا يحفظكم جميعا من كل شر ويحفظ عائلتكم وحبايبكم".

إقرأ أيضًا:

رجاء الجداوي تفقد الوعي وتدخل في غيبوبة داخل غرفة العناية (تفاصيل)

شاهد.. شقيقة هنا الزاهد تشعل السوشيال ميديا في أحدث ظهور لها.. والجمهور يعلق

وقد أعلنت الفنانة داليا البحيري عن إصابة زوجها رجل الأعمال حسن سامي بفيروس كورونا، بعد تأكيد نتيجة التحاليل إيجابيته للفيروس.

وقالت داليا البحيرى: "أنا حبدأ بألف حمد وشكر ليك يارب، لأن أنا عارفة ومتأكدة إن احنا عملنا اللي علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب".

وتابعت داليا البحيري عبر صفحتها علي موقع التواصل الإجتماعي فيسبوك قائلة: "إحنا كلنا عملنا مسحات تحليل كورونا، أنا والأولاد، واللي بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب".

وأضافت "البحيري": "أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".

يذكر أن الفنانة داليا البحيرى، أثناء مداخلتها عبر برنامج زووم فى برنامج مساء DMC، على قناة DMC، والذى يقدمه الإعلامى رامى رضوان: منذ أيام قليلة قالت "إن الزعيم يمتلك كاريزما لا توجد عند أى شخص غيره، وهذا ما يجعله متميزا وناجحا، فهو فريد من نوعه، وكانت آخر مرة أقف أمامه فى الكاميرا منذ 12 عاما، لذلك عندما وقفت أمامه فى مسلسل"فلانتينو"، والذى عرض خلال موسم رمضان الماضى، شعرت وكأنها المرة الأولى مما انتابنى شعور بالقلق والخوف".