تعليق ناري من محمود سعد على حادث محطة مصر

قال الإعلامي محمود سعد: إنه مثلما قال الشاعر الفلسطيني مريد البرغوثي، بأن التاريخ يعلمنا درسين، أولهما أن تصوير الفواجع والخسارات بوصفها انتصارات أمر ممكن، أما الدرس الثاني فهو أن ذلك لا يدوم"، مثلما يقول ونستون تشرشل: "يعيد التاريخ نفسه لأن الحمقى لم يفهموا جيدا".

وأضاف خلال تعليقه على توابع حادث "محطة مصر": مستعينًا بقوله تعالي: "أَفَمَنْ أَسَّسَ بُنْيَانَهُ عَلَى تَقْوَى مِنَ اللَّهِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَى شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ وَاللَّهُ لا يَهْدِي الْقَوْمَ الظَّالِمِينَ"، معقبًا: "ده اللي احنا فيه بالظبط، شغال في الشارع، بتكتب في جرنال، واقف على جبهة، لما تيجي تأسس حاجة لازم تأسس صح، كل إنسان عنده عقل سليم التقوى هي الإيمان، والعدل والحرية والرحمة والإتقان مهمين جدا".

وتابع خلال برنامج "باب الخلق" المذاع على فضائية "النهار": "بدور في الأخبار لقيت خبر عن 100 جرار فيهم مشكلة، وكان فيه تحقيق في النيابة حول الموضوع، وخبر تاني بيقول إن اللي حصل حادث إرهابي.. خبرين مع بعض متضاربين يشتتا التفكير.. هل يجب إن الناس تعرف، مش عارف، إذا كان الناس مهم تعرف، لو قلنا كل واحد يخليه في نفسه، مش هنبقى مجتمع، لازم نعرف عشان لما مبنعرفش بنتغاظ.. امتى هنبطل حكاية مصدر مسئول؟ ليه مش بيقولوا فلان الفلاني قال؟ أفهم إن الصحفي يخفي مصدره فيبقى الخبر مش مؤكد، إنما لما الأخبار الصادرة عن المسئولين مش معروف لازم نبطل الحكاية دي".