بعد تصدرها تريند جوجل.. أبرز تصريحات منة فضالي

تصدر اسم الفنانة منة فضالي محرك البحث الأشهر "جوجل"، بعد تصريحاتها في أكثر من برنامج خلال الفترة الأخيرة وعقب مشاركتها في مسلسل جعفر العمدة.

أبرز تصريحات منة فضالي

حلت الفنانة ضيفة في برنامج مساء دي إم سي مع الإعلامي رامي رضوان المذاع على قناة "دي إم سي" مساء أمس، وكشفت عن تفاصيل مشاركتها بمسلسل جعفر العمدة، والذي حقق نجاحًا واسعًا الفترة الماضية.

وقالت: "دايما لما أشتغل مع المخرج محمد سامي لو مشهد واحد هعمله، لكن كنت متخوفة يطلع دمي تقيل في الكوميدي، أنا دايمًا أنتقد نفسي، وشايفة إني مش بعرف أمثل، علشان كده مش بتفرج على نفسي في أعمالي".

منة فضالي

وتابعت عن هجوم الجمهور عليها بسبب "فيلر الشفايف"، قائلة: "كان لازم نعمل شوية حاجات لأن المخرج محمد سامي عامل في الورق انها بتروح عند واحدة في روكسي تعمل شفايفها والمفروض الضراير بيعملوا عليها افيه فكانت لازمة الشفايف تبقى معمولة".

وعن حديثها على الفنانة الكبيرة هالة صدقي، أشارت منة فضالي "هالة صدقي أنا بعشقها عشق، وبعتبرها صاحبتي الانتيم، طيبة جدا،وبتحب الناس كلها من قلبها، وراجل جدا، وهي ذنانة أوي في موضوع أنها عايزاني اتجوز".

وعلقت على أمر الزواج، مؤكدة: "أنا واخدة موقف من الجواز عشان اتعودت أبقى لوحدي ومبسوطة كدا، ومحبش حد يجي يتحكم فيا".

أما عن شخصية نرجس وصفاتها، أوضحت: "مليش علاقة بالسحر والأعمال مطلقًا، زي ما كانت نرجس بتؤمن في المسلسل، ومش بؤمن خالص بيها وبعتبرها تفاهة، ومش بآمن بها، وزمان حد قالي إن معمولي عمل".

واختتمت بأن الناس تناديها عندما يروها في الشارع بـ "نرجس"، مؤكدة: "الناس في الشارع بينادوني بـ "نرجس.. ومبسوطة إن شخصية نرجس في جعفر العمدة حققت نجاحا كبيرا وعلمت مع الناس".

منة فضالي

كما روت عن طفولتها مع والدتها، معلقة: "ماما كانت دائمًا بتحب تحرقني بالشمعة لما كنت بغلط وأنا طفلة، وكنت بعتبر ده تعذيب"، وأضافت: "أنا مبعرفش أكذب، ومبحبش أخرج كتير".

وعلقت فضالي على وفاة الفنان مصطفى درويش، قائلة: "ربنا يرحمه.. واتخضيت لما سمعت الخبر، ولما عرفت الخبر كنت سايقة وكنت هعمل حادثة بعد لما قريت الخبر.. مصطفى درويش من أجدع الشخصيات اللي الواحد ممكن يتعامل معاها وكان بيحب الخير لكل الناس".

وكانت منة فضالي ضيفة برنامج "سبوت لايت" مع الإعلامية شيرين سليمان المذاع على قناة صدى البلد، وقالت عن دورها بمسلسل جعفر العمدة: "مش بحب النكد وطول الوقت في اللوكيشن بهزر وأضحك مع الناس".

واستكملت: "معملتش كوميدي قبل كده ومش بشوف دمي خفيف، ودي أول مرة في حياتي أعمل كدا، والحمد لله كنت موفقة فيه".

وتابعت "أنا ممثلة دراما وفي أدوار كوميدي مش بتخدم الممثل وأحيانًا بتضره، ولو جالي دور كوميدي ممكن أوافق وممكن لأ، بشرط انها تكون دمها خفيف مش تقيل".

وصرحت: "نادر أوي لما ألاقي ممثلة كوميدي على الساحة، وبحب ياسمين عبدالعزيز أوي".

وعن أزمتها مع الفنان الشاب أحمد داش، أكدت فضالي بأنه لا وجود لمشكلة بينها وبين الفنان، ولكن الإتفاق مع الشركة المنتجة للمسلسل.

كما علقت على منشور أحمد داش، قائلة: "حمد مكنش كاتب كدا عني أنا، الناس مكنتش فاهمة، نوهو كان بيتكلم عننا كلنا مش منة بس، وكان بيهزر".

منة فضالي

وأكدت على حبها لحياة السنجلة والعزوبية، معلقة: "أنا حابة أعيش سينجل دايماً بلاقيني لما بحتاجني".