تعرضت الفنانة حورية فرغلي في الفترة الأخيرة لعدد من التحديات والصعوبات التي جعلتها تشغل بال الجمهور الذي أصبح يتطلع إلى معرفة حالتها وما وصلت إليه، وبذلك تصدرت حورية فرغلي محركات البحث وخطفت الأنظار إليها، واستحوذت على انتباه الجميع وأصبحت الأعلى تداولًا على مواقع التواصل الاجتماعي.
تحديات وصعوبات
ظهرت الفنانة حورية فرغلي مؤخرًا مع الإعلامية إيمان الحصري عبر برنامج مساء دي إم سي، وأوضحت أنها أجرت 27 عملية جراحية خلال 8 سنوات مما تسبب في أصابتها بنوبة اكتئاب حاد.
وأضافت: "من سنتين كنت عايزة أموت لأن كان فيه كورونا والدكتور اللي ممكن يعالجني كان موجود في أمريكا والسفارات كلها كانت مغلقة في وقت مكنتش عارفة أبص في المرايا ولا استطعم الأكل ولا أشم أي ريحة وبالنسبالي مكنش فيه فرق بين العيشة والموت".
وأكدت: "أنا مبسوطة بنفسي جدًا في الوقت الحالي ومش باهتم بتعليقات الناس واللي مش عاجبه أي حاجة فيا يبص الناحية التانية مايبصليش بقيت أحمد ربنا على أي حاجة والحمد لله على شكل أنفي وأي حاجة ربنا عملها فيا وفي الفترة اللي فاتت حاولت أتقرب من ربنا وأصلي وأقرأ قرآن".
وكشفت: "كان معمول لي عمل بعد مسلسل ساحرة الجنوب ولقيته في البيت مكتوب فيه حورية تصاب بالشلل والمرض ويقف جوازها وخلفتها ورزقها كنت بتعب من غير سبب ووزني وصل 49 كيلو ومش باكل واكتشفت في الآخر إنه سحر معرفش مين اللي عملي العمل بس ده كان عايز يموتني مش بس يأذيني وماما ساعدتني وفكيناه وبقيت أحسن".
وذكرت: "حلم حياتي تقديم جزء تالت من مسلسل ساحرة الجنوب وأقدم دور حتشبسوت والأميرة ذات الهمة".
واختتمت: "أخويا كان واقف معايا في كل خطوة وفي الأزمات مفيش أقرب من الاخوات لأن هما عيلتنا".
تابعوا أخبار بلدنا اليوم على Google News
