أميرة تطلب الخلع: حماتي بتنام ف النص وطلبوا أقسم الأسبوع بيني وبينها

بعد سنة ونصف من زواجها تقدمت أميرة بدعوى خلع داخل محكمة الأسرة بزنانيري؛ بسبب تصرفات حماتها التى أجبرتها على طلب الخلع، وقالت أميرة إنها أصبحت لا تطيق العيش مع زوجها أكثر من ذلك، وتخاف ألا تقيم حدود الله التي أمرها بها.

وأوضحت أميرة في سبب الخلع أن زوجها يهجرها فى الفراش أياما كثيرة، وأن "أمه بتنام فى النص ولا بتراعى حياتنا الزوجية؛ بحجة ابنها الوحيد، وكمان رفض يطلقني. منهم لله دمروا حياتى وكرهونى فى الجواز" .

وتابعت أميرة، فى دعوى الخلع التى أقامتها ضد زوجها بمحكمة الأسرة "اتجوزت دلوعة أمه، وكنت فاكرة انى هاعيش فى نعيم ودلع، ووافقت على الجواز بعد 5 شهورمن الخطوبة، وعشنا فى بيت أهله، ولكن أول ما دخلت البيت اتصدمت في تصرفات أمه اللى عايزة تفضل معانا اليوم كله، وتدخل أوضة النوم وتنام بيننا، وتاخده ف حضنها، وكان بينزل ينام فى حضنها بالأيام، وكان بيسبني بالأيام أنام لوحدي".

وأكدت بقولها "طلبت كتير منه إنه يغير الوضع ده، وقلت له ما ينفعش وإني مراته وليا حقوق زوجية، ومن حقي أعيش حياة طبيعية مع جوزي، لكن لا حياة لمن تنادى. ماشي وراء أمه زي الطفل، وهي كمان بدأت تتعامل معايا بطريقة مش كويسة، تقعد على رجل جوزي وتطلع لسانها ليا، وتقول لي دا حبيبي وعمرك ما تاخديه مني".

وواصلت "بقيت حاسة بالقهر، وطلبت منه إننا نعزل في شقة لوحدنا، فرفض، فطلبت من الطلاق ورفض، وراح حكى لأمه اللي خلت يومي أسود"، وقال لي "دي عيشتي، ولو مش عاجبك هتفضلي متعلقة".

واختتمت في دعواها "لما اتدخل أهلى أدخلوا عشان يطلقنى رفض، وبدأت الخلافات بينا، وهو اتهمنى إنى عايزة أوقع بينه وبين أمه، واتفأجت إن فيه الناس طلبت منى أقسم الأسبوع بيني وبينها وكأنها ضري، فقررت أرفع دعوى خلع ومنتظرة أولى الجلسات".