أعرب الإعلامي عمرو أديب، عن إستيائه من أولياء الامور الذين يطالبون بتأجيل الدراسة، أو الذين أبدوا سعادتهم جراء ما أشيع في الآونة الأخيرة عن تأجيل الدراسة، وهذا ما نفته وزارة التربية والتعليم والتعليم الفني في بيان رسمي لها.
وقال عمرو أديب خلال برنامج "الحكاية" والمذاع عبر قناة " ام بي سي مصر"،:" إجازة إيه؟! ما انتوا في أجازة بقالكم 20 سنة، ما نتعلم حبة، هتتعلموا إمتى، إحنا بنتخانق معاكوا عشان تتعلموا وبعدين ترجعوا تقولوا فين التعليم؟ أين الأولويات؟.
وأوضح عمرو أديب:"شايف ناس بتزق قوي علشان نأجل الدراسة، إحنا متأخرين جدًا، انتوا شايفين التعليم مكسر الدنيا يعني، عايزين العيال يقعدوا في البيت أكثر من كده ليه، أنا مش فاهم، هاشتاج وأخبار عن التأجيل".
وأكمل الإعلامي عمرو أديب:"بالمناسبة في مدارس كثيرة شغالة دلوقتي، دي الناس اللي عايزة تتعلم، إنت عايز تهزر ولا عايز تتعلم، مش مسألة تعليم بس، المدرسة هي روح الطالب، ده نظام اجتماعي".
تابعوا أخبار بلدنا اليوم على Google News
