عبرت الفنانة فريدة سيف النصر، عن غضبها من الانتقاد والهجوم الذي تعرضت له عقب ظهورها الأخير بلون شعر جرئ ومثير.
وكتبت فريدة عبر صفحتها الشخصية على موقع التواصل الاجتماعي الشهير الفيسبوك، منشور جاء فيه: "هو في ايه بجد، ايه الخيبة اللي أنا فيها دي، كل ما اتنفس ولا أتصور ولا أتكلم أبقى تريند وحديث المدينة، ليه خير إن شاء الله".
وتابعت فريدة قائلة: "محسيسني إني لسه صغنونة نوغة، وإني مثلا نزلت صورة بلبس مثلا ملفت مش قاطعة لكم رأسي وبس، مالكم بجد، وجرايد ورقيه محترمة ومواقع برضة كبيرة، هو مافيش غيري، في ناس أحلي وأصغر وأهم وعندهم اللي ترغوا فيه، هتحرموني أكون ذوق وأدي أخبار أو أرد علي صحافيين خالص".
فريدة سيف النصر
وأضافت فريدة سيف النصر قائلة: "وللعلم مبحبش أصد حد أو التعالي بالذات الشباب الجديد، يكون جزائي عكس الكلام وأخد عناوين فرقعة علشان التريند، الأمانة والمهنية أهم من مصطلحات السوشيال ميديا الجديدة دي، عموما كده عيب لأي حد احترمته رغم صغر السن والحداثة في المهنة ورديت وحبيت أسانده، والنتيجة علشان فرقعة تخسرني ماشي ألف شكر ومش هارد تاني مع اعتذاري للجميع".
يذكر أن الفنانة فريدة سيف النصر، قد تصدرت مؤشر البحث جوجل، وذلك بسبب ظهورها بشكل صادم ومفاجئ على مواقع التواصل الإجتماعي بلون شعر مختلف وجريء.
وكتبت فريدة سيف النصر عبر حسابها على فيسبوك: "ربنا يستر ما تخافوش دي مرحلة سحب اللون الأسود، حبيت أشارك معاكم الصبغة الجديدة والنيولوك، متعترضوش دلوقتي مش ده اللون النهائي، وقولت أما أغير شوية أصلي زهقت مني، وعلى فكرة صوري دي بدون ميك أب إن كان عاجبكم، الستات لما بتكبر بتتجنن".
تابعوا أخبار بلدنا اليوم على Google News
