بعد 4 سنوات من عضة الكلب.. وفاة "محمد" بأعراض مفاجئة حيرت الأطباء (تفاصيل كاملة)

واقعة صادمة غير متوقعة، يتغافلها الكثير، لم يتخيل أحد أن تتسبب في حدوث ذلك، إذ نشرت فتاة تدعى "يارا محمد" عبر صفحتها الرسمية على "فيسبوك"، قصة مريرة مرت عليها فقدت خلالها شقيقها، بعد 4 سنوات من عضة الكلب،

قائلة: "أنا اخويا الله يرحمة كان بيربي كلاب و هو مطعم الكلاب بتاعته.. و في مرة من قريب الكلب بتاعة عضه و هو حكي لنا إنه قتل الكلب بتاعة اللي كان مربية بقاله 4 سنين تقريبا لأنه هاجمه".

استهان بعضة الكلب ولم يحصل على مصل السعار

تابعت: " الله يرحمة يارب استهان بالعضة و مرضيش ياخد المصل و قال انها حاجة بسيطة و خربشة.. اخويا كان كويس و مسخنش و متعبش.. بعد شهر تقريباً او اكتر محمد ضهرة وجعة جدا (مامتي و بابايا راحوا بية لدكاترة كتير اوي ) كل دكتور بيشخص الحاله حسب رؤيتة".

رحلة محمد داخل المستشفيات بسبب عضة الكلب

وأضافت: " الغلط مش عندهم الغلط الجهل بالشئ، محمد عمل أشعة طلع عندة فقرات

بس دراعة وجعة جدا مكانش قادر يحركة حبيب قلبي، دكاترة قالوا عصب و عملوا اشعة مفيش حاجة، معظم الدكاترة أجمعوا انها حالة نفسية

محمد بدأ ميقدرش يشرب ماية ( فوبيا من الماية) .

أعراض مفاجئة بعد عضة الكلب

وأكملت الفتاة التفاصيل، قائلة: "جسموا بيتنفض لما يشرب نقطة مية، لدرجة اني كنت بشربة بالمعلقة نقطة نقطة و هو مش مستحمل ، فضل 10 ايام مش عارف ينام ولا ياخد نفسة كويس.. قبل ما يتوفي ب 3 ايام الله يرحمة جاله هلوسة و حاله هياج شديدة ملهاش اي تفسير ، و اخد حقن مهدئات و مفيش فايدة

مفيش دكتور فاهم الحالة لان عمرهم ما مروا عليهم حاله مشابهة و دة غصب عنهم،

اكتشفنا ان الاعراض اللي كانت عندة هي سعار

بتختلف من شخص للتاني، في ناس عندها اعتقاد انة لازم يسخن و ده محصلش".

مصل السعار خلال 24 ساعة

ونصحت الفتاة لكل من يتعرض لعضة الكلب، قائلة: " ارجوكوا حتي لو متطعم و انت او انتي مربياه علي ايدك روحوا خدوا مصل السعار في مستشفي حكومي ولازم في خلال 24 ساعة

المصل اسمة (rabies) ".

ماذا تفعل لو كلب عضك أو خربشك؟

وكتبت الفتاة عددا من النصائح التي أكد لها الطبيب على اتباعها حيال تعرض الفرد لعضة الكلب.

- احبس الكلب.

_ ضع أكله و شربه في مكان بمفرده.

_ راقب الكلب لمدة شهر لو عنده سعار سيموت، ولو لم يمت فهو ليس مريضا.

-التطعيم من عضة الكلب في خلال 24 ساعة لأن لو اللعاب لمس العصب بينقل المرض.

_ مفيش تحليل سعار في اسكندرية غير في معمل المختبر تقريباً، تظهر نتيجتة بعد 23 يوم لانه بيسافر القاهرة.

4- لو متطعمش خلال الفترة 24 ساعة ملهوش علاج و بيموت ممكن قبل حتي ما يبان علية الاعراض اللي مفيش دكتور حيعرف يشخصها

أعراض سعار الملب

1- ألم في الظهر قوي جدا .

2-خوف شديد من المياه، و عدم القدرة علي الشرب.

3-هلوسة شديدة و حالة هياج.

4- شلل و عدم القدره علي حركة اليد.

5- عدم القدرة علي النوم و التنفس .

6- السخونية.

ضرورة أخذ مصل داء الكلب

وشدد الدكتور محمد عز العرب، أخصائي الفيروسات، على ضرورة أخذ مصل «داء الكلب» عند العض، من أي حيوان مجهول؛ لأنه يعتبر مسعورًا حتى التأكد من عدم ذلك، لتفادى الإصابة من الفيروس الذي ينقله الحيوان، الذي يصيب الجهاز العصبي المركزي؛ مما يؤدي إلى حدوث انقباض للحنجرة، ومن ثم يقوم المصاب بإصدار صوت الكلب، فضلاً عن التشنجات العصبية التي تحدث.

كما شدد «عز العرب»، على ضرورة أخذ المصل في مدة لا تزيد عن 48 ساعة، وإن مرت المدة فاحتمال إصابة الحالة بـ«داء الكلب»، يزيد بنسبة كبيرة، كما أن المصل المخصص لتلك الحالات يصنع في مصر منذ 50 عامًا، ولكن الكلاب المسعورة، نادرة الوجود في مصر؛ مما أدى إلى ندرة الحالات الموجودة