أحمد سالم: "السوريين حبايبي بس ملهمش غير في الشاورما اللي هي أصلاً مش فن"

نشر الإعلامي أحمد سالم مقدم برنامج "لحظات جريئة" في شهر رمضان المبارك عبر حسابه الرسمي منشور قال فيه إن السوريين لا يتفوقون علي أكل المصريين إلا في الشاورما وأن المصريين متفوقون علي أنفسهم في الأكل.

حيث كتب عبر حسابه الرسمي علي مواقع التواصل الإجتماعي "فيس بوك": "السوريين حبايبي آه وناس طيبين ومحترمين ومنورين بلدهم التاني مصر وعلي راسنا من فوق ،لكن الحق يتقال في الاكل ملهمش غير في الشاورمة واللي هي أصلا مش فن ،لكن حتي الآن مفيش مطعم سوري قدر ينافس عبدالوهاب وبلبع وحسني وملك السمان وميمي وحمدي وابوشقرة والدهان ورفاعي وعبده كفتة والبرنس في المشاوي والأكل الشرقي،ولا عندهم حد عرف يقرب من جاد ومحمد أحمد وابوربيع والتابعي وآخر ساعة والبغل في الفول والفلافل،ولا بيعرفوا يعملوا سمك اصلا عشان نقارنهم بعبدالوهاب وبلبع وفرج وابن حميدو وابو اسكندر وسي جل والكاستن والبرج وأسماك ،ولو دخلنا عالحلويات واضح إن صفحة الجاتوه والتورتة مقطوعة من عندهم أساسا ومفيهاش حد يقف قدام لابوار ولوكرنفال وانجيلينا وسابليه وساليه سوكريه وكلاسيك اما الشرقي معندهمش هريسة زي العصافيري ولا حجازية ابو طلعت ولا بسبوسة الصمدي وكحك انجيلينا ولوكرنفال ورز بلبن صابر وسيف وكسكسي الشيخ وفيق وعصير مكةوالقبيصي وفرغلي وجيلاتي عزة والنظامي والصعيدي ولبنان ،ده غير انهم ماعرفوش يقلدوا كشري ابوطارق وهند وحمادة والتحرير وكبدة فرج ابو خالد والعربي وسامي والفلاح والكوارع والممبار وفواكه اللحوم".....

حتي في الأكل البيتي مين يقدر يقف قدام طشة الملوخية و برام ورق العنب بالكوارع والممبار و البامية باللحمة الضاني وفتة العيد بتوع أمهاتنا 😋😋😋😋😋😋😋😋😋

#مصرجميلة

#المصري_يكسب