منى فاروق: "أنا طيبة لدرجة العبط..ومش قدوة لحد"

تحدثت الفنانة منى فاروق، عن حياتها الشخصية والعملية، في أول ظهور إعلامي لها منذ أزمة الفيديوهات المسربة، في برنامج "الترابيزة" للإعلامية أميرة بدر على "يوتيوب".

وقالت الفنانة الشابة: “أنا طيبة لدرجة العبط”، متابعة الحديث عن أسرتها بقولها: “أبويا الله يرحمه كان مربيني إني أحكيله كل حاجة.. هو توفى 18 مارس 2016”.

وأضافت أنها كانت تفضل الحديث مع أبيها بدلا من والدتها عند وقوع مشكلة خلال فترة طفولتها، مردفة: “أمي نصي التاني بس ممكن تضربني وأنا صغيرة لما كنت أغلط، علشان كده كنت بروح لأبويا لأنه هيحل المشكلة على طول”.

وتابعت: “أنا مش عارفة أنصح البنات بإيه، أنا مش قدوة عشان أنصح، ومتصدقوش الناس مش كل الناس هتجبلك الخير، في ناس بتبقى عايزاك تقع عشان تبص عليك”.

واستنكرت: “نفسي الناس تسبني أرجع أشتغل، نفسي أبقى حاجة، ومعنديش حد يكون مسؤول عني، كنت بقدم شغل كويس وبذاكر كويس، ومش عايزه أصعب على حد، أنا حاليًا معنديش مصدر رزق أو دخل”.

واستكملت: “أنا رجعت من دبي عشان عايزة أعيش في بلدي، مالكيش غير بلدي، أنا نفسي أعيش وأموت هنا مع أبويا، حسيت بغربة وبوحدة وأنا هناك، علاقتي بالناس هناك سطحية وعرفتهم عشان الشغل، بس أنا كان حلمي هنا مصر، اللي يقولي اتحجبي وأقعدي في البيت طب أنت هتصرف عليا؟”.

وفي سياق أخر، أعربت الممثلة منى فاروق عن حزنها بسبب المعاملة التي تلقتها بعد أزمتها الأخيرة، حيث ظهرت فى بث مباشر لها، تتحدث فيه عن أزمتها النفسية وهي تبكي، وقدمت الإعتذار عما حدث سابقًا.

و هددت فاروق بالانتحار في البث المباشر عبر موقع الفيديوهات والصور الشهير "انستجرام"، وذلك بسبب ابتعاد كل المحيطين بها عنها، قائلة: "كل الناس بقت نبذانى وكل صحابى قطعوا علاقتهم بيا، أنا غلطت لكن ليه محدش قابلني؟. أنا منهارة، ومهما حاولت أعمل قوية أنا مش قوية".

وأضافت فاروق باكية :"كفاية إنى أعمل مش واخدة بالى طول الوقت، وأنا تعبت وعمالة أتعامل إن هو عادى وهو مش عادي، ومخنوقة أوي، ولما جيت على دبى وقلت اشتغل، أى شغل مش لازم التمثيل ،مش لاقية فرصة شغل أو فرصة للحياة أو إنى أعيش زى بنى آدم طبيعي، هو مفيش حد بيغلط فيكم!! الفرق بينى وبينكم إن ربنا شال ستره من عليا، لكن إنتم لسة، أنا نفسى أرجع أعيش سليمة تاني، محدش بيطبطب عليا، بقيت لوحدي، مقداميش حل غير الموت".

كما تذكرت فترة سجنها قائلة: "من شهر 2 لـ شهر 6 أنا برة الدنيا وميتة، وعايشة ميتة، وكنت كل لما أنزل ويكون فيه فرصة إن أخرج من الأزمة أقول يا رب كفاية، ويوم ما قالوا لي إني أخدت إخلاء سبيل، أنا وقعت من طولي مش مصدقة بجد، والنبي يا رب يكون الناس مبيضحكوش عليا، وأخويا وأمي يشهدوا على ده".

يذكر أن الدائره 25 جنايات شمال القاهره قررت استمرار إخلاء سبيل منى فاروق وشيما الحاج على خلفية قضية الفيديوهات المسيئة.

"نفسى أرجع أعيش".. منى فاروق تُهدد بالانتحار: مقداميش حل غير الموت (فيديو)