النيابة واجهتها بمقطع رقص ساخن ورسائل جنسية شاذة.. التفاصيل الكاملة لقضية مودة الأدهم

كشفت تحقيقات النيابة العامة حيثيات قضية الطالبة مودة الأدهم، صاحبة الـ20 سنة، والمتهمة بالتعدي على القيم والمبادئ الأسرية ونشر الفسق والفجور في القضية المعروفة إعلاميًا بـ فتيات "التيك توك" عن وجود محادثات شاذة وجنسية مع فتيات وشباب آخرين.

واكتشفت مباحث الآداب من وجود العديد من الرسائل على حسابها بتطبيق السناب بينها وبين الأشخاص، ومن بينها محادثة للمتهمة مودة الأدهم وبين آلاء، وتبين قيام المتهمة بتبادل رسائل مع فتيات حول ممارسة الشذوذ مع إحدى الفتيات التى طلبت رقم هاتف مودة لتحويل رصيد 100 جنيه.

وتبين من التحقيقات المكثفة لمباحث الآداب أن المتهمة مودة الأدهم قامت بإرسال مقاطع فيديو تقوم فيه فى الرقص بملابس فاضحة، بالإضافة إلى شات جنسي بينها وبين أحد الأشخاص.

وأوضحت مودة الأدهم فى اعترافاتها أمام النيابة العامة: "أمي مهندسة زراعية على المعاش ووالدي أمين شرطة على المعاش وأبويا حالته المادية كويسة جدا عشان هو وارث من والده، وهو عنده فدادين زراعية بكوم حمادة وعنده عمارة بمرسى مطروح وعنده عمارة في كوم حمادة، ومصادر دخلى من أهلي ومن اليوتيوب، ومن البيوتي سنتر اللي أنا مشاركة فيه "إيناس.ا"، بنسبة 20% ومعنديش حاجة تاني".

وأضافت مودة الأدهم أن "ما أثبتيه التحريات عن انتمائي إلى أسرة بسيطة الحال وانفصلت عن أهلي بمرسى مطروح منذ 3 سنوات كلام مش صحيح، هو أبويا طلع على المعاش مبكر وكان وارث من جدي وحالته المادية كويسة وعنده عمارتين ورث".

وتابعت مودة الأدهم: "لم يرشدنى أحد لاستخدم مواقع التواصل الاجتماعي، واستخدمتها عن طريق لما ابتديت أتعرف لما دخلت ميس إيجيبت، وابتدت تظهر ليا صور على السوشيال ميديا، ولما ابتديت أعمل فيديو للتسلية والهزار أنا وأصحابي وجابلي نسبة مشاهدة بالملايين بعد لما نشرتها على موقع ميوزكلي اللي اسمه دلوقتي التيك توك فابتديت أتعرف في مجال السوشيال ميديا، والحسابات بتاعتي الموثقة تيك توك وإنستجرام وقناتي على يوتيوب ومعنديش أي حسابات على فيس بوك، أنا كل حساباتي بس اللي قولت عليها هي اللي موثقة وأي حسابات تانية موجودة مش خاصة بيا".

وأضافت مودة الأدهم: "أن المقاطع اللى على حسابي على إنستجرام وهو الحساب الموثق، أول حاجة دا أبلكيشن لايك مش لايكي يعني دي شركة ودي شركة تانية خالص وأنا كنت بعمل عمل خيري لمستشفى 57357، ومحصلش إنى قمت بالتعاقد مع شركة لايكي من أن كان اسمه داخل مصر لايك ولا توجد أى علاقة مع مديري التطبيق من خلال المتهم محمد محمود محجوب والمتهمة مارجين ولم يتصل بي أحد من خلال الإيميل الخاص بي ولا توجد عروض لى بالاستعانة بشهرتي على المواقع الإلكترونية ونشر عدة مقاطع فيديو على حساباتي المختلفة أو بدعوة الفتيات بالامتثال بي والرقص مثلي ونشرها للدخول على تطبيق لايكي".

وأنكرت مودة الأدهم فى التحقيقات علاقتها بمقطع فيديو عرضته عليها جهات التحقيق يكشف عن ظهور فتاة ورجل يمارسان علاقة جنسية داخل دورة مياه، مضيفة أن المقطع ليس لها، وقالت: "البنت ظاهرة فيه اللي هو مش أنا خالص، ودا المقطع اللي مقدمه الضابط بس مش كامل ولكن أنا قدمته كامل".

وواجهت النيابة العامة المتهمة بمقطع فيديو آخر من خلال الفلاشة المقدمة والذي تقول فيه: "رسالة إلى كل السناجل" ثم طلبت من طفلة الحضور قائلة: "قوليلي يا ساندي انتي مرتبطة؟" فأجابتها الطفلة: "آه" فسألتها المتهمة: "إنتي عندك كام سنة؟" فأجابتها الطفلة: "13 سنة" فقالت مودة الأدهم: عندها 13 سنة يا جماعة ومرتبطة حد عايز يقول حاجة أنا عن نفسي نوكومينت مش هتكلم الأندر إيدج إيه نظامهم، الأندر إيدج ارتبطوا خلاص إيه بقى انتوا نظامكوا عشان أنا الحمد لله"، وأجابت بأن "تلك البنت هى جارتها وصديقة والدتها، وأنها لم تنشره فى أى حتة".

وأضافت المتهمة: "باعتباري شخصا مؤثرا على السوشيال ميديا فبيجيلي سبونسرز زي دكاترة أو لاعيبة كورة مذيعين عايزين يكبروا الأكونت الخاص بيهم وعدد المتابعين فهما بيلموا من بعضهم ويجيبو هدايا وباخدها منهم وأنا بطلع على الاستوري عندي وأقول للمتابعين بتوعي باعتبار إنهم كتير اللي عايز يشترك فيها شروطها إنهم يدخلوا يعملوا متابعة للأكونتات بتاعة الاسبونسرز اللي جابوا الهدايا عشان المتابعين بتوعهم يزيدوا وبعد أيام هعلن مين اللي هيكسب الهدايا دي، وفعلًا بعديها بثلاثة أيام بختار عشوائي من المتابعين في الأكونت بتاعي واحد أو أكثر منهم وده اللي بتفق معاه وبروح أوديله الجائزة اللي المفروض الاسبونسرز اللي جايبينها، وسبب اختياري عشان أنا عندي متابعين كتير على الإنستجرام".

وأوضحت مودة الأدهم: "الذي يطلبه مني سالفو الذكر تحديدًا هما عايزين المتابعين بتوعهم يزيدوا عن طريق تقديم هدايا عن طريقي أنا، وهو بيبقى عددهم من عشرين لحد خمسين، وأسماء هؤلاء كتير قوي أنا كل شهر بعمل مسابقة فمش هفتكر أساميهم إيه بس فيه واحدة اسمها ميرنا هي اللي بتجبلي الهدايا والجوائز اللي باخدها منها وهي من المنصورة معرفش غير كده، واللى عرفني عليها دكتور على وده من مشاهير السوشيال ميديا".

وكانت الدائرة الثالثة جنح بالمحكمة الاقتصادية، نظرت أولى جلسات محاكمة حنين حسام، ومودة الأدهم، و3 آخرين، في اتهامهم بالتعدي على القيم والمبادىء الأسرية، ونشر الفسق والفجور، في القضية المعروفة إعلاميًا بـ "فتيات التيك توك" لجلسة 29 يونيو الجاري.

أقرأ أيضا..

توفت زوجته بكورونا فأحدث تلفيات بالمستشفى.. والمباحث تلقي القبض عليه برفقة نجله

المؤبد لعامل و7 سنوات لشخص آخر بتهمة قتل سائق في قنا

قصة مأساوية.. النيابة تكشف لغز انتحار شاب داخل شقته بالعمرانية