الموت يفجع الداعية الإسلامي عبدالله رشدي

أعلن الداعية الإسلامي الدكتور عبد الله رشدي، عن وفاة والده، عبر صفحته الرسمية على موقع التواصل الاجتماعي «فيسبوك».

وقال «رشدي»: "انتقل إلى رحمة الله تعالى الفقير إلى عفو ربه والدي محمد رشدي السعداوي.. كان رجلاً معظماً للسنة شديداً في الحق لا يخشى في الله لومة لائم، صطحبني في طفولتي طيلة خمس سنوات يوميا لحفظ القرآن، ومنه تعلمتُ ما أنا فيه وهو سبب كل خير، وكان رحمه الله رجلاً".

تابع ايضًا:

بعد أيام من دفنه.. رسالة مؤثرة من حفيد حسن حسني لجده "تفاصيل"

دشن حسن هشام حفيد الفنان الراحل حسن حسني رسالة إلى جده الذي رحل عن عالمنا منذ أيام مضت عن عمر يناهز 84 عامًا

ونشر حسن عبر حسابه الخاص بموقع التواصل الإجتماعي الشهير "فيسبوك" قائلاً: "أي حد لما كان بيعرف إني حفيدك كنت بلاقي فرحة في عينه ونظرة احترام وتقدير الحاجات دي كانت دايما بتفرحني وببقى شايف قد إيه الناس حباك حتي لو ماتعاملتش معاك شخصيا وقد إيه أنا فخور إني حفيدك ومتشرف وفي كذا حد كنت وعده إنه هيشوفك".

وتابع حسن: "وجود اسمك في بطاقتي وإني شايل اسمك كان بالنسبالي أمان وفخر وعشان كده كنت دايما واخد بالي في معاملتي مع الناس وإني اتعلمت منك إن حب الناس بالدنيا كلها وفكرة إني شايل اسمك دي مسؤولية كبيرة، بحاول دايما إني ابقى ناجح عشان أشرفك عشان انت دايما كنت واقف في ظهر كل واحد فينا أنا وإخواتي اللي هما كل أحفادك وكنت دايما بتنصحني وأكتر حاجات نصحتني بيها هي حب الناس وإن مشوار الألف ميل بيبدأ بخطوة وإني ما أيأسش وكمان حضرتك بركتنا ومثلنا الأعلى وعلمتنا فعل الخير وعودتنا دايما إننا نتجمع ونخاف على بعض وكنت دايما بتخاف علينا من أصغرنا لأكبرنا".

وأضاف حسن: "عمرك ما حسستنا أنك جد علي قد ما كنت صاحب كل واحد فينا وكل واحد فينا كان ليه معزة خاصة عندك وكنت حنين علينا قوي وقلبك أبيض وأمصدر الطيبة.. كانت الناس دايما بتسألني عنك وعن معاملتك معانا كنت دايما باقولهم انك بركتنا وقد ايه طيب وحنين ومصدر البهجة في العيلة وإنك ظهرنا اللي اتكسر دلوقتي واللي الناس ماتعرفوش إنك كنت بتضحكنا عالحقيقة أكتر من ورا الكاميرا وإن تقريبا كل الشخصيات اللي مثلتها إحنا عشناها عشان دايما كنت مش بتحب تتعبنا ومش بتقل علينا فضحكت علينا وسبتنا في ٢٤ ساعة مع إني كان نفسي تفضل معانا لغايه لما تشوفني أنا وكل اخواتي ال ٥ في بيوتنا وتشوف أولادنا لكن أمر الله نفذ ولا اعتراض على قضاء ربنا و البهجة راحت معاك ومصر والدول العربية كلها عزونا وحسوا بآلامنا لأنك كنت موجود داخل كل بيت وأجيال كتير اتربت على إفيهاتك وكنت فعلا جوكر عشان زي ما بتعرف تضحكنا زي ما بتعرف تبكينا".

اختتم حديثه كاتبا: "مهما اتكلمت وقلت مفيش كلام يوصفك أو يوصف جمال روحك الحلوة اللي هنفضل عايشين بيها حولينا.. أنا فعلا محظوظ إني اتولدت حفيدك وإني شايل اسمك وعارف إنك دلوقتي في مكان أحسن بكتير وإنك مع جدتي وبنتك اللي كانت أقرب حد ليا واللي من ساعة فراقها وأنت تعبان ودلوقتي حضرتك ارتحت فيارب ابقى محظوظ اكتر واحصلكوا وابقى مرتاح معاكوا عما قريب إن شاء الله.. أشوفك على خير".

كان الفنان حسن حسني قد وافته المنية فجر السبت 30 مايو الماضي، وكان آخر عمل شارك فيه الفنان الراحل كان من خلال ‏مسلسل ‏‏"سلطانة ‏المعز" ‏مع الفنانة غادة عبد الرازق ومن قبلها مسلسل "أبو جبل" مع الفنان مصطفى شعبان الذي عرض في رمضان ‏من عام ‏‏2018‏‎.‎

وشارك أيضا فى موسم عيد الأضحى السينمائى الماضى، بفيلم "خيال مآته"، من بطولة أحمد حلمى، ومنة ‏شلبى ‏وخالد ‏الصاوى ‏وبيومى فؤاد‎.‎صورة

اقرأ ايضًا:

إليسا: لهذا السبب لم أنم الليلة الماضية "تفاصيل"

اتهامات بالأخونة وألفاظ خارجة.. القصة الكالمة لأزمة مدير مهرجان القاهرة السينمائي