أثارا الفنان وائل عبد العزيز شقيق الفنانة ياسمين عبد العزيز، الجدل خلال الساعات الماضية بعد نشر بوست يتحدث فيه عن الحب والخيانه، وذلك من خلال حسابه الشخصي بموقع التواصل الإجتماعي فيس بوك.وقال وائل: "في ناس اتخلقت واتخلق ليهم الحب ودوّل نسبه قليله وقد تكون اندثرت في ظل كل مغريات الحياة .. وفي ناس تانية "بتدور" علي الناس اللي تحبها بالطريقة اللي هما يستهلوها .. الحب ده شيء مخيف !!".
وأضاف وائل قائلا : الحب بيوصل الناس للغيرة والشك وأغلب الوقت للقتل .. الناس بتفضل تدور على الحب عشان تعيش فيه للحظات قبل ما تنقلب العلاقة للأسوأ .. وهما الشوية دول بس، اللحظات الأولي في اَي علاقه الي بتفضل عايش عليهم ايّام كتيًر بعد انتهائها.. الإنسان يفضل يحب بكل ما يملك اللي قدّامه عشان يجي في يوم ويخونه أو يزهق منه أو ينجذب لشخص آخر أو العلاقة نفسها توصل لفقدان الإحساس إلي بيقود للملل.
وأوضح وائل قائلا : الحب فعلا شيء مخيف صعب فهمه ولو كان سهل كانو ال ٧ مليار بني آدم على وجه الأرض زمانهم مرتاحين .. نهاية اَي علاقة ما بين شخصين هي مأساة هيعشها أربع أشخاص لان كل شخص هيدور ينسى اللي معاه بشخص آخر.. وهنا أصبح المجتمع مرضي نفسيين من تعدد العلاقات والكل مازال بيدور على شيء مخيف سبب في دمار معظم البشرية اسمه " الحب ".
وأشار عبد العزيز قائلا : تفتكر ليه الناس بتحب تعيش الإحساس ده علي الرغم أنه وقته قصير جدا والوقت الأغلب أحاسيس أخرى بتفرض نفسها على العلاقة زاي الخوف والقلق والشك والغيره عدم الثقه وغيره وغيره كتيًر ...!!؟ طيب هل الحياه بدونه اجمل !! هل لو عيشت حياتك بتحب حاجات تانبه زاي شغلك رياضاتك او الفلوس مثلا ويبقي ده الهدف من الحياة .. هل ده احسن !!.. أظن بردو لا لان هيجي اليوم الي قلبك يدوق وساعتها هتبقي بردو بدايه النهايه زاي كل القصص والمسلسلات والأفلام اللي في العالم كله.
وأخيرا قال وائل :شيء صعب مجرد التفكير بالشكل ده .. بس للأسف هي دي الحقيقه وزي ما يكون الحب وكل أحاسيسه هديه من ربنا للبشرية وبيحاربه فيها شيطان رچيم ليفتك بالإنسانية .. يا تري الدور على مين.
اقرا ايضا : ياسمين صبري تشعل السوشيال ميديا في أحدث ظهور
2020 مدت إيدها علينا.. رضوى الشربيني تثير الجدل بتغريدة جديدة
"أجواء الزمن الجميل ".. أحمد صلاح حسني يوجه رسالة لجمهوره بسبب كورونا
وكانت النجمة ياسمين عبد العزيز ردت على شقيقها وائل عبد العزيز بعد مهاجمتها عبر حسابه الشخصى على موقع التواصل الاجتماعى "فيس بوك"، بسبب صورها ونوع العلاقة التى تجمعها بالفنان أحمد العوضى، حيث نشرت صورة جديدة تجمعها بالفنان أحمد العوضى وعلقت عليها قائلة، "بحبك يا أحمد"، وقام أيضًا العوضى بنشر الصورة نفسها والتعليق عليها بـ"بحبك يا ياسمين"، ليكون اعترافًا رسميًا بالارتباط بينهما بعد حالة الجدل خلال الفترة الماضية وللرد أيضًا على تعليق شقيقها.
تابعوا أخبار بلدنا اليوم على Google News
