رد حاسم من راندا البحيري على منتقدي يوسف فوزي

ردت الفنانة راندا البحيري على منتقدي ظهور يوسف فوزي، الذي أثار الجدل مؤخرا، في ظل حالة التعاطف معه من قبل جمهوره.

كتبت راندا البحيري عبر حسابها الشخصي على موقع التواصل الاجتماعي "انستجرام"،: "أستاذ يوسف فوزي قرر أنه يشاركنا مرضه وحابب بإرادته إنه يطلع و يتكلم، علي فكره أغلب اللي متضايقين من الڤيديو، متضايقين علشان خايفين علي نفسهم، مش عايزين يشوفوا حاجه وحشه، مش عايزين يفتكروا المرض مش عايزين نتعظ من حاجه، علي فكرة الله يشفيه و يعافية الفيديو ده هيبقي سبب لحاجات حلوة كتير اوي".

وتابعت راندا أن الفنان يوسف فوزي يتحدث بحكمة عن الفن وما يحدث للفنانين: "قال الفن يا جماعة بيسرق العمر، و قال كمان حاجة انا كنت دايما بفكر فيها بس معرفتش أفسرها زي ما هو بخبرته فسرهالي في الفيديو ده، قال كل يوم بنصحي الصبح بنسيب شخصيتنا و بنلبس شخصية تانية نعيش بيها طول اليوم و نرجع ننام و نصحي نلبس شخصيه تالتة و نرجع ننام و نصحي و هكذا، علشان كده جت كلمة "الفن بيسرق العمر" من هنا، ان احنا ال كام سنة اللي عايشينهم في حياتنا مش بنعيشهم بأسماينا بالطول و العرض، لا بنعيش جوا شخصيات غيرنا، عمرنا بيتاكل، بدعي كل زمايلي و اصحابي اننا نفكر تاني، و تالت، في حياتنا، و في ولادنا، و حبايبنا، و في نفسنا، و نعيش للفن و لنفسنا مع بعض".

يشار إلى أن يوسف فوزي نال حالة من التعاطف في أعقاب ظهوره الأخير في لقاء صحفي بعد غياب نحو 4 سنوات عن الإعلام منذ إعلان إصابته بمرض باركنسون أو الشلل الرعاش واعتزاله التمثيل.

#يوسف_فوزي ❤️ A post shared by Randa Elbehairy (@randaelbehairyofficial) on Jan 21, 2020 at 3:42am PST