قال رمضان صبحي، نجم النادي الأهلي وكابتن المنتخب الأوليمبي، والحاصل مؤخرًا على بطولة الأمم الإفريقية تحت 23 سنة، والمتأهل لـ"أولمبياد طوكيو 2020"، إن المنتخب الأوليمبي كان منتظر تكريم الرئيس عبد الفتاح السيسي لهم، لأن التكريم بيقول إننا عملنا حاجة للبلد، وشرف كبير لينا كلاعبين وبيحسسنا بأهمية البطولة".
وأكمل "رمضان"، خلال مداخلته في أولى حلقات برنامج من مصر والمذاع على الفضائية "cbc"، "إحنا جيل جديد عايزين نعمل حاجة للكرة المصرية، بيحسسنا إن فيه دعم لينا، وعدنا الرئيس إننا هنروح الأولمبياد وهنبذل أقصى مجهود وهنلعب على ميدالية ولن نكتفي بالتمثيل المشرف".
وتابع رمضان: "مطلبتش حاجة من الرئيس، لأن الدولة وفرت كل شيء وعملنا استعدادات على أعلى مستوى، والرئيس قالنا إن أي دعم هنطلبه هيتم توفيره، وفعلًا كل طلباتنا أصلًا في المعسكر كانت مُجابة، والدولة مش مخليانا عايزين حاجة وكنا حاسين بأهمية الموقف اللي كنا فيه".
وأوضح صبحي، أن الرئيس السيسي قال في وقت سابق، إنه يرغب في شباب يمتلكون الروح، مؤكدًا أنه كان يؤكد لزملائه بضرورة التعب وبذل الجهد في الملعب، مضيفًا: "كنت بقول لزملائي لازم نموت نفسنا، ونعمل اللي علينا ولو الناس لقيتنا عملنا اللي علينا محدش هيزعل مننا، وكنا حاسين إن الشعب المصري ليه حق إننا نفرحه بعد ماكنا بنشوف الجماهير في المدرجات بالشكل دا".
تابعوا أخبار بلدنا اليوم على Google News
