تعرض المطرب علي الألفي لانفجار كبير لبوتاجاز منزله، مساء أمس، نتيجة تسرب الغاز، مما أدى إلى إصابة شعره وحواجبه ودقنه بحروق طفيفة، ولسعات في أصابع يده.
وكتب الألفي عبر صفحته الشخصية على موقع التواصل الاجتماعي "فيسبوك": "ملخص اللي حصل معايا إمبارح إن فرن البوتاجاز انطفى وفضل الغاز شغال وأنا ما أخدتش بالي ورحت مولع عود كبريت ودخلت إيدي جوه الفرن، حصل انفجار مكتوم وكرة نار".
وأضاف "الألفي": "الغاز هب فيا لدرجة إنه من لطف ربنا إنه حتى شعر رموشي وحواجبي ودقني اتحرق، وطبعا إيدي اللي كانت جوه الفرن.. صوابعي اتلسعت خفيف.. كل ده في ثانية واحدة".
وتابع: "ربنا كان لطيف ورحيم ووراني بعيني إزاي النار ممكن تقرب من وشك بس هو يحرسك برحمته.. بشكر كل اللي سألوا، أنا سليم، والبيت الحمد لله سليم، بس نفسيا بتعامل مع الموضوع".
تابعوا أخبار بلدنا اليوم على Google News
