تحدث المخرج مروان حامد خلال الجلسة النقاشية في مهرجان الجونة السينمائي بدورته السادسة، عن شغفه بالسينما ورؤيته للإخراج باعتباره مسؤولية.
وقال حامد: "السينما والإخراج مسيطران عليّ طول الوقت، وممكن أشوف حاجة تلهمني، زي مثلاً مشهد سور مجرى العيون في فيلم إبراهيم الأبيض، كان في الأصل ضمن معاينة في إعلان، وفضل موجود في ذاكرتي واستخدمته في الفيلم".
وأضاف: "لما بدخل حاجة جديدة لازم أذاكر لها من الأول، وبرجع طول الوقت للدراسة الأكاديمية وأسترجع اللي درسته وأنا طالب، وكمان أنا متأثر كتير بالمخرج صلاح أبو سيف، واستوقفني فيلم له اسمه البداية، مليء بالخيال والحرية، وشوف باقي أعماله إزاي قد يغير من نفسه، وبحاول اكتسب هذا التنوع ويكون عندي نفس الشغف".
وعن فيلم الفيل الأزرق، قال حامد: "عمري ما كنت أتخيل أشوف مكان زي 8 غرب لولا السينما، بتخليك تروح اماكن لا تتخيل أن تروحلها قبل كده، واستعنا بطبيب نفسي عشان نعرف الطريقة بتكون عاملة إزاي".
وأضاف: "كنت شايل هم حاجة في الفيل الأزرق، وهي إن إزاي الناس تتعاطف مع شخصية يحيي راشد، وإحساسه بالندم خلق حالة تعاطف وتسامح مع شخصية يحيى راشد، فالممثل الكبير بيحل لك المشكلة دي، وإحساس كريم عبد العزيز عالي وإحساسه بالندم خلق حالة تعاطف وتسامح مع شخصية يحيى راشد".
تابعوا أخبار بلدنا اليوم على Google News
