عاجل| الرئيس السيسي: مصر قدمت 80% من حجم المساعدات إلى غزة

وجه الرئيس عبد الفتاح السيسي الشكر لكل المشاركين فى إعداد المساعدات لأهل فلسطين.

أضاف الرئيس السيسي، خلال مؤتمر تحيا مصر وفلسطين المنعقد فى استاد القاهرة الدولى :" عاوزين ندخل أكبر حجم من المساعدات في الظروف دي، داخل القطاع فيه 2.3 مليون إنسان تحت الحصار محتاجين كل حاجة، مياه وقود وأغذية وكل حاجة، مستمرون في الدعم والمساندة، الشعب المصري بكل طوائفه وفئاته وكل منظمات المجتمع المدني، اللى فات كوم واللى جاى كوم تاني، متشكر جدا متشكر جدا متشكرا جدا، شكرا جزيلا".

أضاف الرئيس :"هنأكد على الدور الكبير الذى قامت به مصر متمثلة فى كل المصريين جمعيات – منظمات - حياة كريمة - تحيا مصر".. كل الناس اشتركت علشان تخفف عن أهالينا فى قطاع غزة.. رغم ظروفنا الصعبة لكن عاوز أقولكم إن حجم المساعدات مقارنة بالمساعدات التى تم إدخالها خلال الكام يوم اللى فاتوا دول إحنا 75 – 80% حجم اللى جه من الدنيا كله كوم والكوم اللى مصر قدمته، وده مش من ولا حاجة لكن أقصد أقول بيه إن احنا كنا على قدر المسؤولية وحاسين قد إيه نتحرك كلنا ونخفف عن أهلنا فى القطاع بالمساعدات اللى اتجهزت فى أسرع وقت.

و شدد الرئيس عبد الفتاح السيسي على أن الدولة المصرية لم تغلق معبر رفح، متابعا: "فيه بعض القنوات قامت بالإساءة لينا.. معبر رفح لم يغلق أبدا.. كان فيه إجراءات أخري من الجانب الآخر.. علشان دخول الحاجة "المساعدات".. الدور مش عندنا احنا بس.. مهم اوي تعرفوا النقطة دى".

وأضاف الرئيس السيسي، لدي وصوله استاد القاهرة للمشاركة في مؤتمر "تحيا مصر" لدعم فلسطين: " بنتكلم كدولة فى إطار قواعد القانون الدولي لدينا إجراءات تهدف إلى دخول المساعدات.. مش هنشعل الموضوع أكثر ما هو مشتعل.. بقول لكل المصريين ولكل الناس فى الدنيا معبر رفح لم يغلق أبدا ولن يغلق أبدا فى وجه مساعدات تدخل القطاع".