دعت الفنانة فيدرا، جمهورها ومتابعيها، بالاستمرار دعم أهالي غزة، وتقديم المساعدات المادية والطبية لهم.
ونشرت فيدرا، فيديو عبر حسابها الرسمي بموقع تبادل الصور والفيديوهات القصيرة إنستجرام، وعلقت قائلة: الوضع في غزة كارثي، إحنا تعبنا من كم العذاب اللي بنشوفه، والقهر وقلة العدل والظلم، والقتل والذبح، لكن لازم نفضل نتكلم ونوعي الناس، العالم بيتغير وعشان يتغير بياخد وقت، إحنا بنعمل اللي علينا ولازم نوصل صوت الفلسطينيين، الله أعلم أخرتها إيه.
وتابعت فيدرا: إحنا بنعمل اللي علينا، بنلم هدوم عشان الشتا ولازم تكون جاهزة لأهله غزة، وإن شاء الله هتدخل لأهالي غزة، إحنا بنعمل اللي علينا، بنتبرع وبنعمل لايك وشير لكل الصفحات اللي بتدعم غزة، دا دور كل اللي بره غزة، ومتزهقوش لأن في أطفال وأجنة بيموتوا في بطن أمهاتهم، مينفعش نزهق.
وأضافت فيدرا: آه ناخد هدنة ونفصل، لكن مينفعش نستستلم، الكلمة تأثيرها قوي في العالم ولازم هتاخد وقتها، ربنا معانا وربنا كبير، لازم نعمل اللي علينا، في ناس بتحارب وبتجاهد بنسفها، لكن إحنا بنحارب باللي بنقدر عليه.
و كانت أشادت فيدرا عبر حسابها الرسمي بموقع التواصل الاجتماعي “فيسبوك” بالفنان محمد سلام قائلة: "هو كسب كل حاجه علشان عمل بعقيدته...ما خافش من حد، خاف من نفسه اللي هتلومه لو ما عملش وطبعا خاف من ربه..سلام مافيش منه كتير. ده واقع.و طبعا كل انسان حر و كل انسان عارف نفسه وعارف مقدرته ولا يكلف الا وسعها، وسعها على الصعيد المادي و النفسي.ده وسع سلام وده وسع باسم وده وسع صلاح".
تابعوا أخبار بلدنا اليوم على Google News
