ديانا كرزون: دخلت بحالة اكتئاب.. ومش قادرة أستوعب اللي بيحصل

 دخلت الفنانة الأردنية ديانا كرزون، في حالة الإكتئاب بسبب الأزمة التي تحدث في فلسطين وشعبها وأهلها، بعد الاعتداءات المستمرة من قبل الاحتلال الإسرائيلي، مشيرة إلى أن قلبها يتدمر بشكل يومي.

وتابعت باكية: بقول للناس أنا فنانة بس دلوقتي أنا زيي زيكم، أنا مجندة وكل شخص المفروض دلوقتي مفيش حاجة قدامه غير الدعاء، وإنه يستخدم السوشيال ميديا بتاعته ويحس نفسه مراسل وصحفي ويحس إنه موجود في الموقع نفسه، والتأثير مش بس للفنانين كمان للاعبين الكرة والمشاهير، وبعتقد كل شخص دلوقتي هو مراسل.

وأضافت: وكتير شوفنا بنات وولاد مش مشهورين بس اتشهرت المقاطع بتاعتهم، وكانوا بيصوروا من غزة، وبعتقد إن دوري كفنانة غير إني أستخدم السوشيال ميديا، إني أستخدم صوتي وأقدر أعبر عن جزء بسيط من الغضب اللي جوايا وأديهم لو قدر بسيط من الأمل إن إحنا موجودين.

وعن الفنانين والمشاهير الذين التزموا موقف الصمت تجاه قضية فلطسين، قالت: معنديش تعليق على الفنانين اللي التزموا الصمت، يعطيكم العافية، وفي الوقت ده كل واحد عارف هو بيعمل إيه، ومفيش أي مبرر ليهم ولفعلهم، وإنهم يطلعوا يقولوا كلمة حق.

وأضافت ديانا كرزون: مينفعش نقول ما هي فلسطين طول عمرها كدة وطول عمر الأم بتفقد بالـ 3 و4 أطفال، وساعات كان ييجي ضرب على غزة يومين تلاتة وننسى ونرجع نعيش حياتنا، لكن اللي بيحصل دلوقتي مش مسموح بأي دين بالعالم.

واستطردت: أغنية الشعب البطل طلعتها لما كنت قاعدة وبشوف الأخبار وحسيت إني مش عارفة عايزة أقول إيه، قولت لكاتب الأغنية مش عايزة كلام حزن، إحنا عايزين نعطي الناس قوة وتكون أغنية فيها رسالة، وسجلت الأغنيبة خلال 3 أو 4 أيام.

واختتمت ديانا كرزون حديثها: مشاهد الأمهات في فلسطين صعبة وبقول للأم دي قد إيه إنتي امرأة قوية ومفيش حاجة توصف المرأة الفلسطينية، هي جبارة، ربنا يصبر قلوبهم، وبقول للأمهات ربنا معاكم ويعطيكم القوة والصبر، وولادكم طيور بالجنة.