كشف الفنان خالد محمود، أنه يمتلك روحانيات خاصة تجعله يشعر بالشخص الذي يكذب عليه، خلال تصريحات خاصة لـ برنامج المنسي مع الإعلامية إنجي هشام في قناة هي.
وقال خالد محمود:"الروحانيات دي قعدت معايا فترة من الزمن وقعدت تكبر وتزيد وتطور لحد ما خوفت، وعلى طول افتكرت لو علمتم الغيب لأخترتم الواقع، هي كانت خاصة بالناس اللي قدامي علشان تبقي بس واضحة عند الناس لأن ممكن متبقاش واضحة للي معاشهاش".
وتابع: "كنت مثلًا لو قاعد معاكي متعرفيش تكدبي عليا وبتظهر لي الصورة الحقيقية اللي حصلت بالظبط، وأنا قاعد مثلًا في البيت سرحان أبص الاقي حد من أصدقائي جاب حاجة أشوف شكل الحاجة اتصل بيه يقولي عرفت منين، أقولوا مبروك وربنا يباركلك وخلاص".
وأضاف خالد محمود: "كنت لو إنتي بتكلمي وسرحتي أعرف بتفكري في أيه، ودي الحاجة اللي زعلان أنها راحت مني، إني اعرف الشخص اللي بيكدب عليا أو اعرف لو سرحتي أيه الحاجة اللي سرحتي فيها، لما زادت خوفت وصليت ودعيت تروح من عندي وقعدت أقول لكل أصحابي عليها لحد ما اختفت بالتدريج كده".
تابعوا أخبار بلدنا اليوم على Google News
