مني فاروق.. بين الاعتزال والاستغاثة "مش عارفة أدفع إيجار بيتي أبوس إيديكم عايزة أشتغل"

في الساعات الماضية تصدرت مني فاروق التريند على جوجل بعد تصريحها الأخير عن اعتزال الفن وبعد عدة ساعات من إعلان الاعتزال أتى تصريحاتها الاخيرة ،تراجعت عن الاعتزال و ناشدت الفنان أشرف زكي نقيب المهن التمثيلية بالعمل.

تستعرض "بلدنا اليوم" كافة التفاصيل حول تصريح مني فارق وحقيقة اعتزالها في السطور التالية:

وكتبت منى، عبر صفحتها بموقع التواصل الاجتماعي "إنستجرام": "مساء الخير.. الكلام اللي بقوله ده خارج خالص عن فكرة إني أخد التريند وأعمل زي أي حد.. أنا قلت أعتزل الفن لسبب واحد وهو إن ده مصدر رزقي الوحيد اللي أنا بحبه وعايزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب".

وتابعت: "أنا محتاجة أشتغل عشان أقدر أعيش زي أي بني آدمة طبيعية.. أنا غلطت وربنا بيسامح.. ليه البني آدمين مش عايزين يسامحوا؟ أنا بسمع بودني بلاش منى عشان الفيلم ميضرش، ليه يا ربي أنا بقيت منبوذة من كل الناس؟".

واستكملت: "أنا مش طالبة غير إني أشتغل في الحاجة اللي بحبها عشان أعرف أعيش.. المجتمع حاططني في المكان الوحش بس مش يمكن عايزة أبقى كويسة زي أي واحدة؟ ليه بتقفلوا قدامي كل حاجة؟".

وأردفت: "عشان كدة أنا بناشد دكتور أشرف زكي والأستاذ أشرف عبد الباقي وشركات الإنتاج.. محتاجة الشغل عايزة أعرف أعيش.. ولما قلت قرار اعتزل من أجل لو حد شافني بشتغل في محل لبس أو أي شغل ميقولش إيه ده؟ والله مش طالبة غير إني أشتغل.. عايزة أشتغل أبوس إيديكم".

وأضافت: "إجازة مفتوحة من الـ سوشيال ميديا مش هكون موجودة، مش عاوزة حاجة من حد ولا عايزة حد يعوز مني حاجة".

واختتمت منى حديثها: "أنا دلوقتي هعيش لنفسي محتاجة أكون نفسي محتاجه سلام نفسي اللي بيحبوني شكرًا، وكتر خیرکم، واللي ما بيحبنيش شيلوني من حساباتكم لحد ما أقدر أواجه الحياة الظالمة دي تاني".

يذكر أن منى فاروق، شاركت في أكثر من عمل درامي ، كان آخرها مسلسل "أيام" مع حورية فرغلي، شيري عادل، وأحمد صفوت، وسلوى خطاب، وميدو عادل، ومحمود حجازى، ورياض الخولى، وندى موسى، مي القاضي، وحجاج عبد العظيم ولقاء سويدان، وسماح السعيد، حنان يوسف، صفاء جلال، محمد دسوقى ومحمد مغربي، تأليف سماح الحريرى وإخراج محمد أسامة.