نشر الفنان الشاب خالد الفايد، كواليس مشاركته في برنامج “ذا فويس كيدز” الذي كان بداية لانطلاقته الفنية، عبر حسابه الشخصي بموقع التواصل الاجتماعي “فيسبوك”.
ووضع خالد الفايد الصورة، من البرنامج وعلق عليها: "قالولي اللي تختاره تقعد علي الكرسي بتاعه، وقتها اخترت تامر ومكنتش متخيل رد فعله أبدًا، ومن وقتها حددت هدفي إني اشتغل على نفسي لحد ما أقعد على الكرسي وأكون حكم بجد مش متسابق، مكمل ولا عزاء للمتخلفين فكريًا".
وأضاف: "المزيكا بتخليني مأذيش حد بكلامي، بتخليني انسان راقي فاهم كل حاجة بيعملها، بتخليني إنسان حساس وبراعي ربنا في كل حاجة، بتخليني رحيم بالحيوانات والطيور بتخليني أحس بالحياة وجمالها، بتخليني إنسان بكل معني الكلمة.. المزيكا مش حرام ربنا أجمل من إنه يحرم حاجه مفيدة بالشكل ده".
وسبق، أظهر نجم ذا فويس المعتزل خالد الفايد عن حزنه الشديد واستيائه من استخدام المحتوى الديني والقرآن الكريم من أجل تريند مواقع التواصل الاجتماعي.
وشارك خالد الفايد منشورًا عبر حسابه الرسمي بموقع التواصل الاجتماعي "فيسبوك"، ليعبر عن استيائه من استخدام القرآن الكريم لـ الشهرة وتريند مواقع التواصل الاجتماعي، قائلًا: "الفترة الأخيرة بتابع الشباب والمحتوى الديني على السوشيال ميديا للأسف، اكتشفت إن القرآن أصبح وسيلة لجلب الفلوس والمتابعين والشهرة".
وتابع خالد الفايد كلامه: "لاحظت ناس معينة بتمثل إنها بتبكي وهي بتقرأ وواضح جدًا إنهم بيمثلوا، أصبح القرآن مجرد كلام بنمثل بيه القراء القدامى رحمة الله عليهم زي المنشاوي كان بيعيد التسجيل علشان كان بيبكي، وعايز يخفي بكائه لكن دلوقتي بقينا نقول للناس شوفوني، وأنا بعيط وخاشع يا جماعة اللي عايز يمثل ويتمسخر ويتسهوك، يروح يقرأ سيناريو ويمثل في مسرح دين".
وأنهى خالد الفايد، قائلًا: "وربنا مش دين لقطة ولا دين لايك ولا دين فولو، اتقوا الله شوية وبطلوا رياء الكلام مقصود لكل مشاهير القراءة في السوشيال ميديا في مصر، وهيشوفوا كلامي ومعظمهم صحابي واللي يزعل يزعل، أنا متعود أقول كلمة الحق في وش أي حد".
الجدير بالذكر أن خالد الفايد كشف سبب اعتزاله للفن، وذلك خلال تصريحات خاصة حيث قال: "الغناء مش الهدف الأساسي اللي أنا عايش عشانه واللي اتخلقت عشانه، لأن ربنا خلقنا علشان العبادة، ولما غنيت كنت زي أي طفل حابب يظهر".
تابعوا أخبار بلدنا اليوم على Google News
