حسن شاكوش.. تصدر اسم الفنان حسن شاكوش، ترند محركات البحث "جوجل" خلال الساعات القليلة الماضية، بعد نشره فيديو لايف عبر صفحته الرسمية بموقع "الفيسبوك"، أثناء وجوده في منزله بعد تمكين زوجته ريم طارق من منزل الزوجية.
وقال حسن شاكوش، خلال الفيديو:" مش هطول عليكم من قلب البيت عندي، وأنا عندي في البيت أهو موجود وأهلي وأمي وإخواتي منورني مشرفني، مش بيجوا لي كتير ولما بيجوا بالنسبة لي بيكون يوم عيد، وحبيت بس أطمنكم إن مفيش أي حاجة وإحنا لسه جامدين ومفيش إلا إحنا، وعلشان عندي حفلة بليل مستني كل حبايبي اللي جايين لي في المعادي".
وتابع:" الحمد لله الواحد ولا بيئته ولا تربيته ولا إمكانياته أنه يبهدل بنات الناس أو يجرحهم بأي كلمة وحشة لأنكم عارفين الست والبنت لو بصيت لها بصة وحشة توجعها ولا تربيتي ولا بيئتي ولا عيشتي ولا أهلي ربوني على كده، عمري في حياتي ولا ضايقت حد ولا زعلت حد ولا عملت مشاكل مع حد، وبيتقال عليا كده علشان يشهروا بيا وشكلي يكون وحش قدام جمهوري لكن ربنا مش على كيف حد".
وواصل "شاكوش":" اللي بيكبر ويخلي الواحد له قيمة ربنا وإحنا لما نتزنق بنقول يا رب مش يا عبد، وأنا موجود في بيتي وأهلي منورني ومشرفني ومش هينفع أتكلم كتير ومش هينفع أتكلم كتير علشان الجامع جنب بيتي وبعد كلام ربنا مفيش كلام".
وكشف حسن شاكوش خلال الفيديو عن أعماله القادمة قائلا:" مبسوط إني اتكلمت معاكم وفيه شغل مع عمر كمال وفيه غنوة هتنزل اسمها دي حلوة".
واختتم كلامه قائلا:" واللي عاوز يفهم يفهم واللي بيفهم بيريح لأن الواحد لا تربيته ولا أسلوبه يهين بنات الناس ومش هتكلم أكتر من كده والدنيا كلها شايفة كل حاجة والظالم وابن الحرام ربنا ينتقم منه في ميدان عام".
وكانت حصلت ريم طارق زوجة مطرب المهرجانات حسن شاكوش، على تمكينها لفيلا شاكوش بأحد الكمبوندات، بقرار من المحكمة المختصة، وذلك بعد دعوى أقامتها المذكورة لتمكين منزل الزوجية.
تابعوا أخبار بلدنا اليوم على Google News
