ميرهان حسين: ماما نفسها اتجوز أحمد عز

كشفت الفنانة ميرهان حسين، عن مواصفات فتى أحلامها، مشيرة أن والدتها تريد زواجها من الفنان أحمد عز، أو حد يشبه وذلك من شدة حبها له.

قالت ميرهان حسين خلال لقائها ببرنامج "كلام الناس" الذي تقدمه الإعلامية ياسمين عز بقناة "إم بي سي مصر": "أهم حاجة في الشخص اللى ممكن اتجوزه أنه يكون رجل في تصرفاته ومواقفه ويكون شخص محترم بيحترم نفسه علشان يحترمني ويحترم علاقاته مع الناس".

وتابعت:" يكون سند وضهر وأمان واهم حاجة عندي الأمان، ولو فيه علاقة مبتحققش الأمان ملهاش لازمة ومش عايزاها".

وتابعت: "لو لقيت ان الراجل اللى اتجوزته محترم ومحققلي الحاجات اللى أنا عايزاها وبيحبني وبيخاف ربنا ودمه خفيف ممكن مكملش في الفن بس أحب أن ده يكون قراري، أنا لو لقيت إن فيه حاجة بتيجي على حاجة وعلى البيت بالتحديد ممكن أعتزل التمثيل علشان أهتم ببيتي".

وواصلت: "ماما نفسها اتجوز حد شبه الفنان أحمد عز وهي بتحبه وهو نجم كبير وهو كمواصفات شكلية بني آدم جميل، وماما طول الوقت عايزاني أتجوز وده هدفها في الحياة، بابا عايزاني قاعدة جنبه ويكاد يكون ميفضلش اني اتجوز وأنا مرتبطة بوالدي أكتر وشخصيتي أقرب شوية من بابا".

وأضافت:" وهو كمان بيريحين مش حاطط عليا ضغوط بتاعت فكرة العنوسة وإني لازم أتجوز كونها تصينفات اجتماعية خاطئة والجواز عندي مرتبط بالشخص المحترم اللى اقدر ائَمن له علي نفسي".

وكانت أعلنت الفنانة ميرهان حسين، ابتعادها السوشيال ميديا خلال الفترة القادمة، مؤكدة أن سبب اتخاذها هذا القرار، وهو افتقادها الشعور بالتقدير.

نشرت ميرهان حسين عبر صفحتها على موقع تبادل الصور والفيديوهات "إنستجرام" قائلة: "أجازة مفتوحة من السوشيال ميديا والمكالمات والالتزامات والمجاملات والتواجد من أجل الاخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي".

تابعت: "لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل اللي بيحبوني شكراً وكتر خيركم واللي مابيحبونيش شيلوني من حساباتكم لحد ماقدر أواجه الحياة الظالمة دي تاني سلام".

وأضافت: "أشعر بعدم التقدير لشخصي وموهبتي ولم اعتاد البقاء في مكان مع أشخاص لاتقدرني لذلك أعتزل".

يذكر أن آخر أعمال ميرهان حسين، مسلسل “مشوار الونش”، بطولة محمد رجب، ومحمود عبد المغني، وميمي جمال،ومنة فضالي، وإيهاب فهمي، وغيرهم العديد من النجوم، والعمل من إخراج إسماعيل فاروق وتأليف أحمد عبد الفتاح.