أعربت الإعلامية بسمة وهبة، عن سعادتها بعودتها للجمهور، بعد فترة من الغياب، موضحةً: "أنا سعيدة بلقائي بكم اليوم، لقاء حب وفرحة وسعادة، ويارب أقدر أقدم لكم النهاردة وفي كل حلقة ما فيه الخير لينا جميعا".
وأضافت "وهبة"، خلال تقديم حلقة اليوم من برنامج "90 دقيقة"، على قناة "المحور": "بس الناس تستحمل صراحتي شوية، أنا أخدت عهد على نفسي في الفترة الماضية إن مفيش حاجة في الدنيا تستاهل اللف والدوران والخداع".
وتابعت الإعلامية: "أعدكم إنكم مش هتلاقوا معايا إلا الصراحة والمصداقية في هذه الحلقة والحلقات القادمة".
ونشرت الإعلامية بسمة وهبة، عبر صفحتها على موقع التواصل الاجتماعي "إنستجرام"، قصة قصيرة "استوري"، وهي في منطقة السيدة زينب، مؤكدة أنها ستعود لتقديم برنامجها "٩٠ دقيقة" على قناة المحور اليوم.
وقالت الإعلامية بسمة وهبة: "أحلى مكان في الدنيا السيدة زينب، بحبها أوي أنا لسه واصلة من السفر ورايحة أصلي في السيدة زينب عشان أشكر ربنا على أنه بيكرمني دايما".
وأضافت: "فيه ابتلاءات، وأنا رايحة أشكر ربنا على الابتلاءات اللي بيديهالي بس الحقيقية يا جماعة أنا في إجازة بس أنا هنزل بكره البرنامج لان في حاجات كتير مش عجباني هنزل اتكلم فيها ومحدش يزعل مني".
وتابعت: "أنا مبخافش وبحب الحق وهطلع أقول كلمة حق بكره، هتكلم بحرية ومحدش يقدر يمنعني وأنا زعلانة وحزينة الحقيقة، ورينا يهدي الناس جميعا بحق الآذان، ربنا يكرمنا جميعا يارب".
تابعوا أخبار بلدنا اليوم على Google News
