حقيقة زواج عمر كمال من ندي الكامل طليقة احمد الفشاوي

أعلن  المغني عمر كمال عن  حقيقة علاقته ومشروع زواجه بندى الكامل طليقة الفنان أحمد الفيشاوي، وذلك في تصريحات تلفزيونية له لأول مرة بشكل صريح.

  وعلق  عمر كمال في تصريحاته حول طبيعة علاقته بندى الكامل، وحقيقة توقف مشروع زواجهما:" ندى الكامل إنسانة كويسة ومحترمة جدا.. وبتجمعني بيها صداقة شخصية جدا.. ولو في عموما مشروع زواج بيني وبين أي حد هقول للناس كلها تعالوا شرفوني في فرحي".

واضاف عمر كمال قائلا، إنه يرفض حاليا الحديث عن حياته الخاصة موضحا:" الناس لما دخلت حياتي الشخصية وأنا السبب.. حياتي الشخصية باظت وعاوز أخليها في طي النسيان بعيدة".

واحتفي الفنان عمر كمال بزفاف شقيقته آية، وسط حضور عدد كبير من نجوم الغناء، و قام بغناء عدد من أبرز الأغاني الخاصة به منها: بسكوتاية مقرمشة، بنت الجيران، انتى قلبى وربنا، وغيرها من الأغاني.

كما شارك فى أحياء حفل الزفاف كل من عبد الباسط حمودة أحمد شيبة، حسن شاكوش، حمادة مجدي، وغيرهم، وأقيم الحفل في السويس.

وكشف المطرب عمر كمال أن يوم الخميس القادم موعدا نهائيا لطرح أغنيته الجديدة يا بيبي والتى يقدمها مع المطربة سارة زكريا.

وشارك عمر متابعيه من خلال حسابه الشخصي فيس بوك:" أمبارح كان فرح أختى وحبيت أعمله ف السويس وسط أهلى وناسى .. وبصراحة الناس وقفت معايا وكان أحلى يوم ف حياتى ".

وأكمل :" فا حابب أشكر مدير أمن السويس وكل القيادات الأمنية ف المحافظة .. حابب أشكر كل أهلى وناسى وصحابى السوايسة اللى نورونى وشوفونى قدام ناسى وضيوفى وشكرا لكل نجوم السويس حبايبى واصحابى والعشرة اللى شرفونى ف الفرح .. عاوز أشكر كل أصحابى اللى نورونى ف السويس وجم من مسافات بعيدة عشان يفرحوا معايا ..

وتابع :" و طبعا اخواتى الكبار والصغيرين اللى متعود منهم انهم ف ظهرى ومكبرنى قدام ناسى وأهلى نجوم مصر ونجوم الوطن العربى كله اللى شرفونى وفرحونى وفرحوا أختى ومن غيرهم اليوم مكنش هيبقى ليه أو لزمة .. شكرا من قلبى ليكم وربنا يقدرنى و أرد جمايلكم عليا "