واقعة مفجعة شهدتها محافظة الإسماعيلية، حيث أنتقلت إلى جوار ربها عروسة الجنة المهندسة مارتينا ابراهيم قبل ساعات قليله من فرحها، ليصبح كابوس تضج له مواقع التواصل الاجتماعي وسط رسائل التعزية والمواساة لأسرة الفقيدة.
وفارقت الحياة عروسة الجنة بعد إصابتها بهبوط حاد في الدورة الدموية قبل فرحها بساعات قليلة، لتفارق الحياة بعد فشل كل المحاولات لإنقاذها.
ونعت إيمان أيمن، مصممة فستان الفرح التي كانت تنوي الفتاة ارتداءه في فرحها، عبر صفحتها على موقع التواصل الاجتماعي “فيس بوك” مارتينا بكلمات مؤثرة.
وتقول: "عاملة بروفة للفستان عندي يوم الأربعاء وفضلت تقوللي إيه رأيك يا طنط حلو عليّ، وأنا قولتلها حلو عليكي بجد هتبقي منورة الفرح، وقولتلها هتستلمي الفستان يوم الاتنين".
وأضافت: "وهي ماشية فضلت تقوللي شكرًا أوي بجد يا طنط تعباكي معايا، وتبص في وشي كأنها بتودعني عايزة، أقولكم قمت الصبح مش قادرة أمشي ولا أشتغل ومش قادرة أشوف فستانها قدامي".
واختتمت: "يا ريت نتعلم دروس فى الايام الجاية ونقرب من ربنا اوى لأن مبقاش فى حاجة تستاهل تاخدنا من ربنا ممكن نقابله فى أى لحظة وهيكون شكلنا ايه قدامه ومصيرنا الابدى فين".
تابعوا أخبار بلدنا اليوم على Google News
