نشرت المذيعة سلمي صباحي صورة للطفل عمر شريف ، عبر حسابها الرسمي على موقع التواصل الإجتماعي "فيسبوك".
وعلقت علي الصورة قائلة: حكايتي مع الولد الجميل ده بدأت من أول يوم نزل فيلم بره المنهج السينما ،، دخلته أول حفله الصبح و خرجت منه متأثره جدا و متعلقه جدا بالولد الشاطر الموهوب اللي عيونه شبه عيون عمر الشريف ده و دورت على إسمه عشان اتفاجئ ان إسمه عمر شريف".
وتابعت :"حسيت إن عمر صعبان عليا بعد الفيلم لأن قليل أوي الأعمال اللي ممكن تدي مساحه لطفل بحجم موهبته ،، و فعلا بعد كده شفته في مسلسل البحث عن علا و كان جميل بس زعلت لأنه ماكانش واخد مساحه يستاهلها أبدا".
وأضافت:"لحد ما شفت بوستر تحت الوصايه و فرحت اوي قلت أكيد الدور ده هايكون مميز ،، و الحقيقه انه فاق كل توقعاتي الكبيره ليه".
وأنهت كلامها:"ولد جميل موهوب شاطر حساس لذيذ و دمه خفيف و قبوله عالي و وشه زي القمر ربنا يحميه ،، حبيته جدا جدا و مستنيه الأعمال الجايه".
تابعوا أخبار بلدنا اليوم على Google News
