علقت أسما سميح زوجة الفنان حمادة هلال، على نجاح زوجها في هذا الموسم الرمضاني، من خلال مسلسله المداح: أسطورة العشق،مشيرا أنه بذل جهدًا كبيرًا في هذا العمل.
وتحدثت أسما سميح، عن زوجها حمادة هلال، في فيديو لها مع الإعلامية سهير جودة، عبر فيس بوك، قالت فيه: أنا كل يوم بيجيلي المداح عادي، بيبقى سبونج بوب، وأنا مش بخاف وبكون مطمئنة.
وتابعت: حمادة هلال شخصيته قريبة من شخصية المداح، وهو متدين بطبعه وهادئ جدًا، ودايمًا بيذكر ربنا، والرقية الشرعية أساسية بالنسبة له، مش حاسة أن في فرق بين حمادة والمداح، وعشان كده هو لايق على الدور، هو المسلسل صعب وتصويره صعب، وفريق العمل كله عامل مجهود كبير، مسلسل صعب والحمد لله ان الناس مبسوطة منه.
زوجة حمادة هلال: مسلسل المداح جميل ومفهوش خوف
وأضافت زوجة حمادة هلال: المسلسل جميل جدًا، وجرعة الخوف بسيطة مش عالية أوي، زي ما الناس متخيلة، وبنصح الناس تتفرج عليه في تجمع عائلي مش لوحدهم عشان ميخافوش، وبلاش تتفرجوا عليه بليل، أنا مؤمنة بالجن، لأن ربنا ذكره في القرآن مؤمنة بوجودة، بس وجهة نظري أنه مش موجود كتير حوالينا، أو ممكن يكون موجود لكن لا نشعر به أنا مؤمنة بربنا، ومؤمنة أن ربنا بيحافظ علينا، حصنوا نفسكم بس.
تابعوا أخبار بلدنا اليوم على Google News
