تحدثت الإعلامية رضوى الشربيني على سجود عروس الفنان حسن شاكوش، أثناء زفافهما الجمعة، والتي أثارت جدل واسع على مواقع التواصل وسائل التواصل الإجتماعي، مؤكدة أن حرية التعبير مكفولة للجميع.
وقالت "رضوي الشربيني" عبر برنامجها «هي وبس»، والذي يذاع عبر قناة «سي بي سي سفرة»، ، إن العديد من الأشخاص طالبوها بالتحدث عن تلك الواقعة وعبرت ” هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جدًا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه”.
وأكملت ”: “حديثي أنا علي الواقعة بعيد عن ريم طارق أنه إزاي أنا واحدة ست هانم انزل علي ركبي ومنها علي الأرض قدام الناس بفستان الزفاف ميصحش، وأنا كأنثي بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا. لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده”.
تابعوا أخبار بلدنا اليوم على Google News
