دعمت الفنانة هند عاكف، زميلتها الفنانة وفاء مكي، بعد تصريحاتها الأخيرة بشأن عدم مشاركتها في أعمال فنية منذ فترة طويلة، وأزمتها المادية وتراكم الديون عليها.
نرشح لك: بعد 14 يومًا من طرحه.. فيلم "Avatar 2" يحقق إيرادات مليار دولار
وعلقت هند عاكف، في منشور عبر صفحتها الشخصية على موقع التواصل الاجتماعي "فيس بوك": "قضية جيل بالكامل، أحب أضم صوتي لصوتك يا وفاء، ادعم الفنانه وفاء مكي وادعم كل زملائي وجيلي بجد اللي اتظلم وقاعد في البيت حرام وعيب قوي اللي بيحصل ده هو لازم نطلع نتكلم ونشتكي ونشرح ظروفنا وأسرار بيوتنا علي السوشيل ميديا عشان نشتغل من المسؤل عن ذلك ولامتي هيستمر الوضع الغلط ده احنا جيلنا تعب كتير وشال مسلسلات واعمال فنيه كتير ناجحة".
وتابعت: "بطالب المسؤلين عن صناعة الفن وعمل المسلسلات والاعمال الفنيه التدخل السريع لوجود حلول سريعه لحل هذه المشكله التي تهدد حياة الكثير من الفنانين والمبدعين ويكون في عداله في توزيع الأدوار في المسلسلات والاعمال الفنيه علي جميع الممثلين بجد احنا في ازمه كبيره كارثه بمعني الكلمة".
وكانت قالت وفاء مكي، في شكوى واستغاثة لها: "انا بناشد نقابتي وكل مسئول ارحموني انا مش بطلب حاجه غلط من حد، أنا بطلب اني أقف اشتغل بعزة نفسي انا مش لاقيه حد ومفيش حد قالي حصل ايه ولا حد كلمني من زمايلي ولا حد كلمني من النقابة".
وتابعت: "أنا عايزة اشتغل واقف على رجلي و اشوف امي المريضة وابني واكفي بيتي واشوف الديون اللي عليا عايزة اسدها انا عايزة ارجع شغلي ومش عايزة حد يقولي اي حجج، أنا عايزة اشتغل بالحلال وأكل لقمة عيش بالحلال، وأنا أقدر اعمل الأدوار اللي تناسب سني في الوقت الحالي، والنقابة بتعمل حاجات كويسة وخطوة ايجابية وربنا يكملها بالستر ودي نقابتي واصحابي ومهنتي ومينفعش حد يقول عليهم حاجه وحشة".
تابعوا أخبار بلدنا اليوم على Google News
