كشفت الإعلامية ياسمين عز، إتيكيت التعامل مع الزوج، مشيرة إلى أن الزوج نعمة من الله مثل نعمة الطعام والشراب بل وأفضل من ذلك.
وقالت ياسمين عز في برنامجها كلام الناس: فيه حاجة اسمها إتيكيت التعامل مع الزوج، لأن الراجل نعمة من ربنا زي الأكل والشرب وهو أحسن كمان، هذه النعمة ليها إتيكيت زي ما فيه آداب التعامل مع الطعام فيه آداب للتعامل مع الزوج.
وأضافت: لو بتتكملي مع صاحبتك أو مامتك وزوجك جه فورا تقفلي علشان الفرعون الكبير وصل.. كده تأسريه لأنه لازم يحس أن دخوله ليه هيبة ووضع، حتى لو هتروحي تقوليله نورت بيتك حمد لله على السلامة، زي ما كنا طلاب والمدرس يدخل الفصل كنا بنقفله، زوجك أحسن من المدرس، اللقطة واللفتة البسيطة دي هتأسريه بيها حتى لو هتطلي من باب المطبخ وترجعي لحلة المحشي، لكن لازم يبان له إن فيه إحساس، ولو مدياله ضهرك لفي وشك على طول وسيبي الحاجة اللي في إيدك.
وتابعت ياسمين عز: فيه ستات تعرف جوزها من أدائه في فتح باب البيت لو فاتح براحة معناه أنه جاي هادي.. لو متعصب الزوجة بتحس وبتقول جوزي راجلي فيه حاجة وتسأله مالك يا حبيبي، يقول لها سيبني أخد شاور وهحكيلك وتروح تعمل له كوباية شاي أو قهوة..عارفة المشكلة اللي في الشغل مجرد ما يحكيها ويفضفض وأنتي سمعاه بكل جوارحك.. في علم النفس بيهدى ونص المشكلة تكون اتحلت، وبده تكوني حليتي 50 في المية من مشكلته في شركته الكبيرة اللي فيها حكايات وروايات.
تابعوا أخبار بلدنا اليوم على Google News
