تساءل الإعلامي عمرو أديب سائق عن واقعة إصابة قطار الدقهلية أثناء قيادة قطار الدقهلية "ليه قائد قطار معدي يتحدف عليه طوب و يتعور؟ هل ده محتاج دكتور نفسي ولا إيه يا كفرة، فيه حد يعمل كده ؟!".
وكان سائق القطار تعرض للإصابة في عينه؛ نتيجة إلقاء 3 شباب الطوب عليه.
ووصف عمرو أديب، خلال تقديم برنامجه الحكاية المذاع على فضائية إم بي سي مصر، مساء أمس الاثنين، السائق بقوله: "الراجل ده بطل فضل مكمل لغاية ما وصل المحطة علشان يحافظ على سلامة الركاب".
وأضاف "أنا بقالي 25 سنة نفسي أفهم إيه المتعة في كده؟ هذا غباء وحرام وغلط، إنما إنك تعرض حياة إنسان للخطر. هذا الرجل لو عينه طارت، لو اتقبض عليهم مرة واثنين وثلاثة واترصوا أحكام محترمة يمكن يعتبروا.
وتابع "قولوا لي تفسير، أنا أشياء كثيرة ممكن افهم تفسيرها رغم إنها غلط. إنما إيه عقدة المصريين مع سواق القطر"، مشيرا إلى أن "الناس اللي بتضرب سواق القطر بيركبوا القطر".
وأوضح: "الراجل يا عيني لما يطلع من إسكندرية لأسوان في كل محطة متوقع إنه ممكن يتضرب في دسوق أو طنطا أو المحلة أو إسكندرية وحتى أسوان".
محذرا: "إيه اللي ممكن كان يحصل لو أغمي على السواق؟ كان القطر بقى من غير قائد ويحصل كارثة. لازم العيال دي يترصوا حكم ليكونوا عبرة لمن يعتبر".
واختتم: "قلوبنا مع سائق القطار وربنا يطلعه بالسلامة، ويرجع يشتغل تاني، ولو فيه أي حاجة كلنا نقف مع الناس. وأنا باسمي ده شروع في قتل، دي مش حادثة عارضة، ودي عيال مش متربية طبعا".
تابعوا أخبار بلدنا اليوم على Google News
