كشفت الفنانة منال عبداللطيف، حقيقة ارتدائها الحجاب بسبب تساقط شعرها، وهذا خلال لقائها ببرنامج "كلام الناس" مع المذيعة ياسمين عز والمذاع علي فضائية mbc مصر, وقالت: "عشت قصة مأساوية، لأن كان فيه واحدة فضلت تكلمني على الماسنجر وتقول لي أنت اتحجبتي ليه، قولت لها الحمد لله، قالت لي لا أنتي اتحجبتي لأن أنتي قرعة".
وأضافت : "الست دي قالت لي أنا عرفت أنك كنتي بتصبغي شعرك ووقع وبقيتي قرعة علشان كدا اتحجبتي"
وتابعت قائله: " فضحكت وقلت لها لأ والله شعري زي ما هو, عمري ما عملت صبغة في شعري"
وأنهت منال عبد اللطيف حديثها عن هذا الأمر قائله: "الست دي طلبت تكلمني فيديو كول علشان تتأكد وفضلت تكلمني كتير، وتبعت لي رسائل وتقولي يا قرعة, وكل شوية تبعت لي تستفزني وتقولي افتحي الكاميرا علشان أشوف شعرك، وده كان بيضايقني جدًّا، وبعدين بناتي قالوا لي هتشوفي من ده كتير طالما عملتِ حاجة مع ربنا خليكِ محجبة".
تابعوا أخبار بلدنا اليوم على Google News
