فيديوهات.. حسام حبيب يفجر مفاجآت في أزمة شيرين عبد الوهاب

فجر الفنان حسام حبيب مفاجأة عن علاقته بالفنانة شيرين عبد الوهاب، على خلفية أزمتها الأخيرة و فيديو سحلها من قبل شقيقها ودخولها إلى المستشفى وتعاطيها المخدرات.

وقال حسام حبيب، خلال مداخلة ببرنامج "الحكاية" والمذاع عبر قناة "ام بي سي مصر"،، مع الإعلامي عمرو أديب: "وجودي ما كانش محبب من الناس اللي حواليها، لأنهم اكتشفوا ان الحنفية اتقفلت، مؤكدا أن "شيرين كان عندها رقم صادم في البنك، وأنا كان عندي فلوس أكتر منها بكتير".

وتابع "من قبل ما نتجوز، وشيرين عندها نجاح واسم لكن مش بيتترجم لأي حاجة خالص، شيرين كانت منهوبة وأنا كنت العدو الأول لأي حد عايز ياخد حقها".

وأكد أن "شيرين كانت منهوبة من الناس اللي عايشين من خيرها، كانت بتأكلهم وتشربهم وكانوا عايزين يمتلكوها، وكان هدفهم ان الشخص ده لازم يمشي، ومش هنكر انهم نجحوا.

وأكد بقوله "شيرين استنجدت بيا لأنها كانت بتتنهش وكانت عاوزاني أنقذها من الناس اللي طمعانين فيها".

وكشف أنه " بعد الانفصال إحنا اتصالحنا ورجعنا أزواج أنا وشيرين وماقلناش لحد، اتطلقنا على ورق ورجعنا بدون ورق".

وحذر من أن "هناك من سيرث في شيرين وهددها بالحجر عليها، الأمر الذي جعلنا نأخذ الاحتياطات المطلوبة من أجل تأمين أموال شيرين لصالح بناتها".

وأشار إلى أن "شقيق شيرين قاطع علاقته بيها منذ عامين، ما السبب وراء ظهوره الآن؟ وكان جاي يعتدي علينا ومعاه صحابه مش بس أطباء".

وأكد أن شيرين حاولت الانتحار بعد الدخول المستشفى، وأنها رفضت الأكل فى أول ثلاث أيام، ولكن بعد ذلك تناولت الأكل.

وشدد على أن شيرين فى حالة نفسية صعبة، وذلك بناء على معلومات من أحد الأطباء المسئولين عن علاج شيرين فى المستشفى التى تعالج فيها.

وتأثر حسام حبيب على الهواء وكاد أن يبكي، قائلا: "شيرين بتمر بظروف صعبة، ويا رب تمر منها على خير، معقبا:" أنا باحب شيرين حب الرجل للمرأة، مش حب الأصدقاء، وباتمنى لها إنها تعيش حياة سعيد".

وأقسم أنه رأى شيرين نازلة حافية من بيتها لابسة البيجامة متعرضة للسحل والضرب، ومفتوح عليها مطواة أمام طبيب ومنقولة في عربية رغما عنها.

واختتم بقوله "اتضربت من اللي اعتدوا على شيرين، وضلوعي اتكسرت، والبنت المساعدة لها برضه اتعرضت للضرب والإهانة. اللي حصل ما يدلش إن دول دكاترة أو أطباء".