قال الفنان محمود عبد المغني "أنا كنت أحسن واحد في السقية. كان الأسطى يسيب لي وَزرة كده ممكن أعملها في الآخر"، مؤكدا "كنت مطلوب بالاسم، وفي مرة رحت بيت سألتهم عندكم قيشاني؟ فاستغربوا؛ لأني كنت على قديمه".
جاء ذلك في إطار كشف عبد المغني عن أول مهنة عمل بها في حياته، وخصوصا خلال فترة المراهقة، خلال لقائه والفنان أحمد فتحي، في برنامج "سهرانين"، الذي يقدمه النجم أمير كرارة ، والمذاع على قناة ON الفضائية.
وتابع "اشتغلت كمان فى ورش الطوب فى مدينتى الوراق، وما كنتش باروح المدرسة.. ورش الطوب فى الوراق كتيرة جدا، وكنت باقلب الطوب، صف طويل فى الشمس".
وعن أطرف موقف قابله في عمله، قال الفنان محمود عبد المغني: "كنت فى مرة شغال شغلانة، وفيه سيدة محترمة ما كانش عندها ولاد، فكنت باساعدها فى عمايل الكشرى اللى هتعمله أصلا لينا خلال شغلى، وبعد ما أكلنا رحت للأسطى بتاعى، وكان اسمه على، باقول له عايز اليومية بتاعتى، قال لى روح خد منها يا حبيبى".
تابعوا أخبار بلدنا اليوم على Google News
