سألنا الناس.. لو معاك مليون دولار هتعمل بيهم إيه؟

يشهد الدولار ارتفاع ملحوظ هذه الأيام، وما جعل الكثير من الناس يحلقوا بخيالهم ويتساءلون «لو معايا مليون دولار هعمل بيهم إيه؟»، وبالفعل طرحنا هذا السؤال على مجموعة من الأشخاص وكانت إجاباتهم لـ بلدنا اليوم على النحو التالي:

هبة خالد

الرسم

قالت هبة خالد فتاة عاشقة للرسم وكل ما هو مختلف وجديد، وأجابت على هذا السؤال قائلة:«لو معايا مليون دولار هشتري ألوان كتير ومن أغلى الأنواع، وهسافر برة عشان أشارك بلوحاتي في معارض عالمية، وهفتح مرسم خاص بيا».

شيماء محمد

شيماء من أكبر أحلامها تأسيس ملجأ للحيوانات لحمايتهم من أذى الشارع وما يتعرضون إليه من انتهاكات وتابعت:«من أحلامي افتح ملجأ للحيوانات عشان احميهم من الأذى اللي بيتعرضوا ليه، وباقي الفلوس هسافر والف بيها العالم».

هالة سيف

السفر حول العالم

هالة لو كانت تمتلك مليون دولار ستسافر حول العالم لتذوق أشهى الأكلات وتابعت:«أنا لو معايا المبلغ ده هسافر كل دولة مشهورة بأكلة معينة، بس في الآخر هحب إني استقر في دبي». 

علي صدقي

كان رد علي صدقي مختلف تماما عن الجميع فأجاب بـ:« اول حاجة بجد هطلع امي تحج إن شاء الله، وبعدين هخصص مبلغ معين ليا يكفيني اتجوز واعيش كام سنة قدام كدة خاصة في زمانا ده، وهوزع على اخوانى مبالغ حسب ظروف كل واحد واحتياجاته».