أثارت الفنانة "ندى الكامل" طليقة الفنان "أحمد الفيشاوي" جدلا واسعا بردها على تداول أخبار امتناع الزوجة من رضاعة طفلها الصغير على السوشيال ميديا، وهذا عبر حسابها الشخصي على مواقع التواصل الاجتماعي "إنستجرام".
وكتبت: "آه الست ملزمة تخدم جوزها وتراعي بيتها وحياتها وملزمة ترضع عيالها واللي بيقول غير كده يبقى إنسان عوج .. ملزمين لكن إلزام بالحب وبالفطرة أمال احنا ستات ليه؟.. أنا باخد بالي من ولادي وبحبهم وأتمنى أني أعيش وهما يرتاحوا.. بيتي وأولويات بيتي أهم من أي حد واللي يقول غير كده يبقى أفاق.. كله بالحب والرضا بيمشي.. أمال انتوا قارفينا ليه بحكاية نص المجتمع فعلا وحياتنا دي".
مستكملة قولها: "والست اللي ما تدلعش جوزها وتحببه في حياته وفيها يبقى فقدت عنصر مهم من أنوثتها .. هو في أحلى من أنك تكوني متجوزة ومرتبطة بالراجل اللي بتحبيه ويكون داخل بيته وانتي عاملة كل حاجة تريحه عشان تبسطه والحياة تمشي؟ والست دايما بتدي وتصبر لحد ما بتزهق لكن احنا ما ستات عندنا مخزون لا ينضب من الحب والتضحية لحبايبنا.. سيبوا الستات في حالها وفي بيوتها الحكاية مش ناقصة تسخين".
ويذكر أن "الكامل" تعرضت مؤخرا للنقد من قبل متابعيها ، واتهامها بالشذوذ الجنسي ، وذلك لأنها نشرت صورة لها عبر ستوري الإنستجرام أثناء تواجدها على شاطئ البحر، وقد أخفت فيها جزءا كبيرا من الصورة مستعينة بقوس قزح (علم رينبو) وقلب كبير، مما أحدث ضجة وجدلا واسعا.
ندى الكامل
ستوري ندى الكامل
تابعوا أخبار بلدنا اليوم على Google News
