انضمت الفنانة رحمة أحمد، الشهيرة بـ مربوحة، في أولى بطولاتها السينمائية، وهو فيلم، ابن الحاج أحمد"، والذى من المقرر البدء فى تصويره خلال الفترة المقبلة.
يذكر أن رحمة أحمد، حلت ضيفة مع الإعلامية لميس الحديدي، في برنامج" كلمة أخيرة"، على شاشة ON، بعد تألقها فى مسلسل"الكبير أوي6"، وكشفت عن كواليس تحضيرها للعمل وبدايتها الفنية.
وقالت رحمة أحمد: "المسلسل لما عملته مافكرتش إني أتوقع أصلاً، وركزت بس أعمل الشغل اللي عليا وسبت الباقي على ربنا حتى فاجأني رد فعل الجمهور وكنت مرعوبة مش خايفة بس".
وكشفت أنها تعرضت لنوبات بكاء أثناء تصوير المسلسل من شدة خوفها من عدم إتقان الدور قائلة: "جات عليا فترات كنت بعيط كتير أوي من الرعب ورحت للمخرج المنفذ محمد خيري وقلتله أنا حاسة إني ممكن مقدرش أكمل المسلسل وكنت مضغوطة جداً ومرعوبة لأن ده وضع مهم، وكانت خطوة جديدة ومهمة ولازم أستغلها مظبوط وكان لازم أستغلها بشكل كويس".
ورداً على سؤال" لميس الحديدي"، هل عرفك الناس في الشارع الآن؟، قالت: "آه بالفعل قبل كده أيام مسرحية أمين وشركاه كنت بعمل المسرحية وكان الناس مش بتاخد بالها، وقتها تخيلت إن المسلسل هيكون كده برضه لكن ما حدث أني تفاجأت بالفعل بما حدث والناس عرفتني وكان أول حد قالي يا مربوحة في الشارع وطلعت أجري".
تابعوا أخبار بلدنا اليوم على Google News
