فادية عبدالغني: الفنان اللي بيظهر كتير بيرخص نفسوا

صرحت الفنانة فادية عبد الغني، خلال استضافتها مساء الجمعة، ببرنامج "كلام الناس" المذاع عبر شاشة قناة "mbc" والتى تقدمه الإعلامية ياسمين عز، عن عدم حبها للظهور كثيرا بالبرامج التليفزيونية، موضحة: "ليس لدي جديد للتحدث عنه، وبخاصة وأني غائبة عن الساحة منذ فترة"، معتبرة أن الفنان الذي يظهر إعلاميا بكثرة وليس لديه أعمال "بيرخص نفسه"، من أجل التسويق.

كما أضافت "عبد الغني": "أن الظهور الإعلامي يجب أن يكون للتحدث عن أعمال جديدة، وليس من أجل الظهور وتسويق الفنان لنفسه، لأن من يفعل ذلك أعتبره بيرخص نفسه".

وحول الشائعات التي طالتها خلال السنوات الماضية ومنها أنها منعت ابنتها من دخول مجال التمثيل؛ أوضحت: "عمري ما منعت ولادي أنهم يعملوا حاجة نفسهم فيها، بنتي عمرها ما فكرت تكون ممثلة، وولادي ما لهمش في الحكاية دي مع أن إحساسهم حلو وبينتقدوني، وسارة بنتي مثلت معايا وهي صغيرة عمرها سنة ونصف ومرة وهي عندها أربع سنين، وبعد كده الموضوع مبقاش في دماغها".

وعن شائعة عقابها لابنتها بسبب رفضها ارتداء الحجاب؛ قالت: "اتقال إني فرضت عليها الحجاب وحلقت لها شعرها عشان أمنعها من التمثيل، الناس دي بتعمل كده عشان تكسب من الكلام الفاضي والشائعات اللي ملهاش لازمة".

أما عن شائعة وفاتها؛ فقالت: "طلعت عليا شائعة إني مت من ناس محترمة، وعملوا ليا صوان وصوروا الفنانين اللي بيعزوا وأنا في بيتي كافية خيري شري بعديها بالصدفة تعبت وجالي كورونا وزعلت جدًا".

وقالت إنها أصبحت نجمة بسبب زوجها قائلة: "زوجي أنتج لي فيلم واحد اسمه إلحقونا، وده كان الفيلم الوحيد، وعملنا مسرحية تليفزيونية لم يتم إذاعتها ولا أتذكر اسمها حتى، وأنا وقت ما أنتج لي زوجي كنت بالفعل شغالة، ونجمي كان عالي أوي، فكان دي حاجة مش جديدة علشان حد يقول زوجها اللي خلاها نجمة".

وتابعت: "اللي بنشوفه دلوقتي واحدة أو واحد أيًا كان، بيبقى اسمها مكتوب بالرصاص وبعدين بيتعملها بروباجاندا جامدة جدًا، بيبقى الناس هنا بتقول طب ما هي لسه مبقتش مُثقلة علشان تبقى في المكان ده، وبعدين الكلام بيكتر أن جوزها اللي عملها ده، لكن بالنسبة ليا أنا كنت نجمة من قبل ما ينتج لي زوجي".