مؤلف حاجة مستخبية يشن هجوماً على شاكوش بسبب أغنية حماقي

علق الشاعر الغنائي محمد عاطف، عن تصريحات حسن شاكوش عن أغنية حاجة مستخبية ، عبر استضافته فى أحد البرامج ليلة أمس .

وكتب محمد عاطف، من خلال حسابه الرسمي على موقع التواصل الإجتماعي "فيسبوك" قائلاً : حسن شاكوش طلع امبارح مع الأستاذ عمرو اديب بيقول ان حاجه مستخبيه مسروقة من لحن تركى وده غلط في حق الملحن" مدين "وفى حق الموزع" احمد ابراهيم"، احب اوضح بس ان الغنوه تم اعادة نشرها بعدها ب فترة كبيرة وانهم في تركيا محترمين استأذنوا الأول وتم تعويضى شخصيًا كشاعر أدبيًا وماديًا ".

وأوضح : عارف يعنى ايه يتكتبلك شكر خاص ب اسمك ف البوم ب اللغه التركيه ، مش حراميه ولا عندهم قلة ذوق ، ونجاح كلماتك وان غنوتك عدت غنوة حماقى، اللى فاهم مزيكا كويس اوى، وعملت مليار مشاهدة مش عشان انت اسطورة الجيل ، عشان الناس لقت لحن حافظاه وبتحبه عليه كلام ممنوع والممنوع مرغوب خمور وحشيش".

وقال حسن شاكوش، إن مهرجان بنت الجيران خاص به ولا يخص المطرب محمد حماقي.

وأكد في حواره مع الإعلامي عمرو أديب في برنامج " الحكاية " المذاع على قناة " إم بي سي مصر"، :"بنت الجيران بتاعتي مش بتاعت حماقي".

وأفاد:" محمد حماقي عمل أغنية اسمها حاجة مستخبية وقالوا إننا واخدين لحن بنت الجيران منها".

وأردف:" دخلنا في مفاوضات مع شركة حماقي وتوصلنا إلى تقسيم إيرادات أغنية بنت الجيران بيننا ".

وتابع:" اللي عرفته إن لحن اغنية حاجة مستخبية مسروق من لحن تركي"، مضيفا:" بنت الجيران جابت إيرادات 100 ألف دولار".