حلمي طولان : مينفعش اتكلم وحش على الأهلي والاهلاوية .. كلهم اخواتي وهشجعهم في نهائي افريقيا

علق حلمي طولان المدير الفني للفريق الأول لكرة القدم بنادي إنبي، على فوزه أمام الزمالك وخسارة فريقه أمام الأهلي في الوقت المحتسب بدل من الضائع.

وقال في مداخلة هاتفية لبرنامج “اللعيب”، المذاع على فضائية “إم بي سي مصر”:" البعض بيتهمني إني بفوت للأهلي، لكن يعلم الله إني بشتغل بضمير والنتائج بإيد ربنا، وحزنت مما حدث في مباراة الأهلي وكل خبراء التحكيم أجمعوا عن أن هدف الأهلي تسلل ما عدا محلل واحد لا أثق فيه، وبهنئ اللاعبين أنهم صمدوا أمام بطل أفريقيا.

وأضاف:" كلامي الكويس على الأهلي مش مجبر عليه، علشان أنا شايف مؤسسة محترمة وتدار بشكل مؤسسي هبقى راجل مش مظبوط لو ملقتش الكلام ده، وهو ضروري أشتم الناس علشان أبقى زملكاوي، والأهلي فيه نجوم عشنا مع بعض من سنة 73 زي مصطفى عبده والخطيب ومختار، ومينفعش أتكلم عليهم بشكل سلبي.

واختتم: “هشجع الأهلي أمام الوداد المغربي، ومفيش شك أي مصري محترم هيشجع نادي وطنه”.